ژبەر بلندبوونا پلەیا گەرمێ ئاوارێن شنگال ژیانەكا سەختدا دژین
باسنيوز:
قایمقامێ قەزا شنگال دیاركركو رەوشا ئاوارێن شنگال ل كەمپان ل سەرێ چیایێ شنگال ژبەر بلندبوونا پلەیا گەرمێ گەلەك نەخۆش بوویە ب ڤێ چەندی ژی مە داخازا زێدەكرنا دەمژمێرێن كارەبا نشتیمانی ژ حوكمەتا كوردستانێ كریە.
مەحما خەلیل، قایمقامێ قەزا شنگال بۆ(باسنیوز) دیاركر:” ژبەر كێمبوونا دەمژمێرێن كارەبێ و بلندبوونا پلەیا گەرمێ ئاوارێن شنگال ژیانەكا سەختدا دژین. مە ب فەرمی داخواز ژ رێڤەبەریا كارەبا قەزا سێمێلی كریە هەول بدەن دەمژمێرێن كارەبێ ل كەمپێن ئاواران ل سنۆرێ قەزا سێمێلی زێدە بكەن چونكو پتریا ئاواران ل سنۆرێ قەزا سێمێلی دژین. ل چیایێ شنگال ژی ئاوارە د رەوشەكا گەلەك سەختدا دژین. هەتا نۆكە بەغدا هیچ پێنگاڤەك بۆ خۆشكرنا ژیانا وان نەهاڤیتە مەترسی هەیە ژبەر بلندبوونا پلەیا گەرمێ نەخۆشی ل ناڤ ئاواران پەیدابن”.
خویا ژی كر:” مەترسی هەیە نەخۆش ل ناڤ ئاواران پەیدابن چونكو دونیا گەلەك یا گەرمە خەلك دبن خێڤەتاندانە. ئەڤە نێزیكی چار سالان پتر ژ 90% خەلكێ شنگال بن خیڤەتاندا. بەغدا هیچ هەڤكاریەك نەكریە”.
تُتاح هذه الصورة أيضا في: کوردی