كچ و کورەکى ئێزدى هاتنە رزگارکرن
ئەڤرۆ نیوز:
ئەڤرۆ ئێك شەمبی 29/7/2018 کچ و کورەکێ ئێزدی ژ دەستێن رێکخراوا داعشێ يا تیرۆرستی ل سووریێ هاتنە رزگارکرن
حسێن قائيدى، بەرپرسێ نڤسینگەها کاروبارێن رەڤاندیان ل دهۆکێ بۆ ئەڤرۆنيوز دا زانین “ئەڤرۆ ب هەڤکاریا نڤیسنگەها مە کچ و کورەکێ ئێزدى ژده‌ستێن داعشێ ل سووریێ هاتنە رزگارکرن، کچا رزگاربووی بناڤێ (د،خ) ژيێ وێ 23 سالن و ژيێ کورى ب ناڤێ (ع،ق) 25 سالن کو خەلکێ کۆمه‌لگەها تەل بەناتن ل باشووری قەزا شنگالێ”
پتر گۆت “ل دەمێ ل 3/8/2014 داعشێ دەڤەرا شنگالێ داگێرکری ئەو كچ و کور ژی مینا ب هەزاران ئێزديان هاتبوو ره‌ڤاندن ل گەل خێزانا خوە”.
خوياكر ژى”،نڤیسنگەها کاروبارێن رەڤاندیان ل دهۆکێ یا بەردەوامە بۆ بزاڤێن رزگاركرنا وان ره‌ڤانديێن هەتا نۆکە ماینه ددەستێن تیرۆرستێن داعشێ دا”.
تُتاح هذه الصورة أيضا في: کوردی