بۆمبه‌كا پاشمایێن داعشێ وه‌لاتییه‌كێ شنگالێ كوشت
WAAR-دهۆك:
ئه‌ڤرۆ سپێدێ ئاڤاهییه‌كێ مینرێژكری ل گوندێ حه‌یالێیێ رۆژئاڤایێ شنگالێ ب وه‌لاتییه‌كێ ڤه په‌قی و هه‌ر راست گیانێ خوه ژ ده‌ست دا.
ل گۆر زانیاریێن په‌یامنێرێ وار، ئه‌ڤرۆ بۆمبه‌كا پاشمایێن داعشێ د ئاڤاهییه‌كێ گوندێ حه‌یالێ یێ رۆژئاڤایێ شنگالێ دا ب وه‌لاتییه‌كێ ڤه په‌قی و ب وێ ئه‌گه‌رێ گیانێ خوه ژ ده‌ستدا.
دیار ژی كر، كه‌سێ گیانێ خوه ژ ده‌ستدای، شڤانه‌كێ په‌زی بوو ب ناڤێ، حه‌جی عه‌بدوللا و ژیێ وی 18 سالن.
پسمامه‌كێ قوربانی ژی د په‌یوه‌ندییه‌كا تێله‌فوونی دا، به‌حسا بوویه‌رێ كر و بۆ وار گۆت: دگه‌ل په‌قینێ و هه‌رفتنا وی ئاڤاهی، وی گیانێ خوه ژ ده‌ستدابوو.
نزیكی سێ سالان شنگال ژ ده‌ست تیرۆریستێن داعشێ هاتییه رزگار كرن لێ تا نها وێرانه و به سه‌دان بۆمب و ته‌قه‌مه‌نیێن داعشێ تێدا ماینه.
تُتاح هذه الصورة أيضا في: کوردی