لەهیێ رێيا شنگال بۆ تەلەعفەر خرابكر و زیان گەهاندە گۆرێن بكۆم
باسنيوز:
ئەندامەكی جڤاتا قەزا شنگال دیار كر لەھیێ رێكا ناڤبەرا شنگال بۆ تەلەعفەر و مووسل خرابكر وزیان ژی گەهشتە گۆرێن بكۆم ژبەر هاتنا بارانێ.
خەلیل حەسەن، ئەندامێ جڤاتا قەزا شنگال بۆ (باسنیوز) دیار كر: “دەمێ تیرۆرستێن داعش شنگال داگیركری ریێا ناڤبەرا شنگال بۆ تەلەعفەر پەقاندبوون نۆكە ب شێوەیەكی بەروەخت هاتبوو دروستكرن بۆ هاتن وچوونا وەلاتیان. خەلك ژ دهۆكێ دهاتنە مووسل ژ مووسل ب رێكا تەلەعفەر دهاتنە شنگال لێ نۆكە لەهیێ ئەڤ رێكا خراب كریە وئاستەنگ بۆ هاتن چوونا وەلاتیان دروست بووینە ورێكا سحێلا ژی هێشتا نەهاتیە ڤەكرن. ئەم داخوازێ دكەین رێكا سحێلا بهێتە ڤەكرن بۆ هاتن وچوونا خەلكێ شنگال”.
خویا ژی كر: “ئەو گۆرێن ب كۆم یێن نێزیك چیایی وئاڤ گەهشتی بێگومان تووشتی زیانی بووینە. هێشتا زیان نەهاتینە دەست نیشانكرن یێن ژبەر لەهیێ گەهشتنیە گۆرێن بكۆم”.
ئاشكەرا كر: “دەمێ پێشمەرگەهێ كوردستانێ شنگال رزگاركری ئەو گۆرێن بكۆم هاتنە پەرژانكرن نۆكە لەهیێ ئەو پەرژان خرابكریە وكەس ل دەڤەرێ نینە چاڤێ خوە بدەتە گۆرێن بكۆم”.
تُتاح هذه الصورة أيضا في: کوردی