ئيرۆ جهژنا چلێ هاڤینێ يه
باسنيوز:
ئۆلدارهكێ ئێزدیان دیاركر:” ئهڤرۆ 2/8/2019 جهژنا چلێ هاڤینێ یه وههموو ئێزدى ڤێ جهژنێ دكهن”.
خواجه خهتارى، ئولدارێ ئێزدیان بۆ (باسنیوز) دیاركر: “رێ ورهسمێن جهژنا چلێ هاڤینێ ل پهرستگهها لالش ئهڤرۆ دهێنه گێران ئهوژى پشتى دوو رۆژان بهرى هێنگى چهندین مهراسێمین ئاینى یێن تایبهت دهێنه كرن ئهڤرۆ بیته جهژن ههموو ئێزدى جهژنا ئێكدو پێرۆز دكهن ئهڤ جهژنا دهێته كرن پشتى چل رۆژیێن چلێ هاڤینێ ب دووماهیى دهێن دووماهیك رۆژا چلێ ئێزدى كهنه جهژن كو ئێختارێ مهرگههێ وجڤاتا روحانیا ئێزدیان و ئۆلدارێن ئایینى وههر ئێزدییهكێ بڤیت ڤان چل رۆژان ب رۆژى بیت دبێژنێ چلهگر”.
خۆیا ژى كر: “چهندێن رێ ورهسمێن ئایینى ل ڤێ جهژنێ دهێنه گێران وهكو ل ههموو ئێڤاریان چرایێن ئاقد ونێشانگههیێن خاسا دهێنه ههلگرن و ههر كهسهكێ نهیى مۆركرى بیت ب ئاڤا كانیا سپى دهێته مۆركرن و بهیت و سمات دهێته چێكرن و قهول و قهسیدێن ئایینى دهێنه گۆتن”.
ئێزدیان ههشت جهژن ههنه ژوانا ژى رێ و رهسمین پێنچ جهژنان دناڤ جڤاكێ دانه ورێ ورهسمێن سێ جهژنان ژى ل پهرستگهها لالش دهێنه گێران ئهوژى جهژنا چلێ هاڤینێ و جهژنا زڤستانێ و جهژنا جهمایێ.
تُتاح هذه الصورة أيضا في: کوردی