بنگههێ لالش ساليادا جينۆسايدا ئێزديان ل باعهدرێ ساخكر
تۆرا لالش يا راگههاندنێ/باعهدرێ
ل ناحيا باعهدرێ شهشهمين ساليادا جينۆسايدا ئێزديان لسهر دهستێ رێكخراوا تيرۆرستى يا داعشێ هاته ساخكرن و چهند دروشم كو دهربرين ژ ناخێ خهلكێ شنگال دكرن هاتنه بلندكرن.
بنگەهێ لالش تایێ باعەدرێ ب هەماهەنگی دگەل لیژنا ناوچا باعەدرێ یاپارتى ديموكراتى كوردستان ،ئيرۆ 2/8/202ێ ل هۆلا باعەدرێ یا بیرەوەریان رابوون ب گێرانا رێورهسمێن شهشهمين ساليادا جينۆسايدا ئێزديان لسهر دهستێ رێكخراوا تيرۆرستى يا داعشێ ب ئامادەبوونا بەرپرسێ لیژنا ناوچا باعەدرێ يا پارتى و شاندێ دگەل دا و نوونەرێن دام و دەزگەهێن حزبی ومیری ل دهڤهرێ و ڕیهسپی و ماقول و لژنا جڤاکی یا باعەدرێ و قوربانیێن رزگاربووی و گەنج و لاو و ئافرەت و مامۆستا و خەلکێ شنگال و تەخ و پێکهاتێن جودا جودا ل سەنتەرێ ناحیا باعەدرێ و دەڤەرێ.
ل پێشيێ خهلات باعەدری بەرپرسێ بنگەهێ لالش باعەدرێ بخێرهاتنا تەڤایا ئامادەبوویان کر پاشی ڕێورهسمێن بیرئانینێ ب ڤێخستنا شەمالکا ل ناڤا هۆلێ ژلایێ ئامادەبوویان ڤە دەستپێکر دگەل بێ دەنگیێ وەک رێزگرتنەک ل قەبارێ زۆر یێ کۆمکوژیێ و قوربانیێن ڤێ كۆمكوژيا کێم وێنە د چەرخێ 21ێ دا دگەل دروشمێن کو دەربرینێ ژ ناخێ خەلکەکی بریندارەکەر ژلایێ ئامادەبوویان ڤە هاتن بلندکرن.
پاشی چەند کەسێن ئامادەبووی وەک هەڤخەمی و دلسۆزی بۆ گیانێ پاکێ قوربانیان گۆتن و پەیڤ ئانین زمان بۆ کەنالێ کوردستان تیڤی کو ب تەرزەکی زیندی رۆمالا ڕێورهسمان دکر.
ل داویێ تەڤایا ئامادەبوویان دلۆڤانی بۆ تەڤایا قوربانیا خواستن و هیڤی وئۆمێدێن ڤەگهرینا گرتيان دانە زمان.
تُتاح هذه الصورة أيضا في: کوردی