ئەڤ شەڤە ئێزدی دێ بەراتا ل لالش دروست كن

ئەڤ شەڤە ئێزدی دێ بەراتا ل لالش دروست كن

وشه‌:

شەڤ بەرات ئانکو چێکرنا بەراتا ل پەرستگەها لالشا پیرۆز کو ئێکە ژداب و نەریتێن ئێزدیان و سالانە دروست دکەن.

باسم شنگالی، چالاکڤانێ ئێزدی بو “وشە” گوت، ئەڤ شەڤە، شەڤا بەراتێ یە دجڤاکێ ئێزدیان دا، ئێزدی سالێ جارەکێ شەڤا بەراتێ دگرن، شەڤا بەراتێ ئێزدی خوە بەرهەڤ دکەن بۆ دوعا و خێراتان.

زێدەتر گوت، گەلەک ئێزدی رۆژانێن خوە ل لالشا نورانی دبۆرینن ژبەرکو ئەڤ شەڤ ژشەڤێن گرنگ و پیرۆزە دڤێ شەڤێ دا سەما دئێتە گێران ل گەل ئاوازا پیرۆزا دەف وشبابان، هەردیسان بەرات دئێنە چێکرنپشتی ئاخەکا تایبەت ژ شکەڤتا بەراتا دئینن و ب دەستێن کچ و کوران ب ئاڤا کانیا سپی دئێتە ڤەستراندن وەک هەڤیرەکی باش ڤەسترایی لێدکەن و بەراتان ژێ دورست دکەن.

ناڤبری گوت، دسەقایەکێ گەلەک جواندا 366 فەتیل ئانکو چرا دئێنە ڤێخستن هنجی ژمارا رۆژێن سالێ، هەردیسان دسەقایەکێ ئاشتی و ئارام دا و داب ونەریتەکی کەڤن دا و ل گەل دەنگێ دەف وشەبابا بپشکداریا شێخێن شەمسانی و شێخێن ئادانی هندەک رێ و رەسمێن تایبەت ب خێرخوازی ڤە دئێنە گێران ،هەردیسان ئەڤ رێ و رەسمە دگرێداینە ب زڤرینا هەیڤێ ڤە و لدۆر هەسارا ئەردی و زڤرینا هەردوو پێکڤە لدۆر رۆژێ دکۆمەلا رۆژێ دا و چێبوونا وەرزێن سالێ و شەڤ و رۆژ وچەندین روودانێن دی یێن سروشتی، شەڤا شەڤبەراتێ شەڤەکە پر خوشیە خەلک لێک کۆم دبت و هەموو پشکداریێ تێدا دکەن هەتا زۆربەیا زارۆیان ئەڤێ شەڤێ نانڤن و هەتا رۆژ هەلدئێت دهشیارن دگەل دایک وبابێن خۆ و خویشک و برایان و هەڤالێن وان پشکداریێ دکەن.

تُتاح هذه الصورة أيضا في: کوردی