بنگەهێ لالش هاریكاری لسەر قوتابخانێن باعەدرێ بەلاڤكرن
تۆرا لالش:
بنگەهێ لالش تایێ باعەدرێ سەرەدانا تەڤایا قوتابخانێن سەنتەرێ ناحیا باعەدرێ كر و دەستێ هاریكاریێ بۆ درێژكر.
ئیرۆ ئێكی ئەیلولا 2021ێ هەڤدەم دگەل دەست ب كاربوونا مامۆستایێن ل قوتابخانێن سنوورێ سەنتەرێ ناحیا باعەدرێ و وەك خۆ ئامادەكرن بۆ سالا خووندنێ(2021 /2022) ژلایێ كارگێڕیێن قوتابخانان ڤە،وەكو پشتەڤانی و هاریكاری بۆ پڕۆسێسا پەروەردێ بنگەهێ لالش تایێ باعەدرێ رابوو ب بەلاڤكرنا كەلوپەلێن كارگێڕی و پەرگەه بسەر تەڤایا قۆتابخانێن باعەدرێ دا.
دسەرەدانێ دا تەڤایا ستافێن كارگێری و مامۆستایان دەست خۆشی و سوپاسیێن خۆ ئاراستەی بنگەهێ لالش باعەدرێ كرن و پەیڤێن درێغی نەكرن و پالپشتێ بەردەوام و سالانە و بێ ڕاوەستیان ئینانە زمان د دەرهەقێ بنگەهێ لالش تایێ باعەدرێ دا.
ژلایێ خۆڤە شاندێ بنگەهێ لالش داخوازا سەركەفتێ بۆ دەستەیێن ناڤبری د كاروانێ ئاڤاكرنا نەڤیێن پێشەرۆژێ دا خواست،دوپاتكر كو دێ بەردەوام بن ل سەر ڤان جۆرە هاریكاریان و پشتەڤانیان پێخەمەت بەرژەوەندیا گشتی و بلندكرنا ئاستێ زانین و زانستێ و رەوشەنبیریێ ل دەڤەرێ.
تُتاح هذه الصورة أيضا في: کوردی