حهيات موراد:”هیڤی و داخوازا من ئەوە ب رێیا هۆنەری ئێش و نەخۆشیێن بسەرێ ئێزدیان دا هاتین بگەهینمە جیهانێ”
تۆرا لالش:
شێوەكارا كچ حەیات موراد خەلكا شنگالێ یە دكورتە دیدارەكێ دا بۆ رۆژناما دەنگێ لالش دیاركر،بەردەوام كاردكەم ب رێیا تابلۆ و كارێ خۆ یێ هۆنەری ئێش و نەخۆشیێن بسەرێ ئێزدیان دا هاتین بگەهینمە جیهانێ،هەروەسا بكارم ل ئاستێ نێڤ دەولەتی ئازارێن مللەتێ خۆ پیشان بدەم.
حەیاتێ دیاركر،ئەڤە دەمەكە دەست ب كارێ وێنەكێشانێ كریە و هیڤی و داخوازا من ئەوە ب رێیا هۆنەری ئێش و نەخۆشیێن بسەرێ ئێزدیان دا هاتین بگەهینمە جیهانێ،ژبەركو هۆنەرێ وێنەكێشانێ ئەو زمانە یێ كو هەموو مرۆڤ تێدگەهن،هەروەسا بەری نۆكە ژی پێشانگەهەك ل زانكۆیا دهوك ڤەكربوو،دیسان ئیسالە ل شنگالێ پێشانگەهەكا تایبەت لژێر ناڤێ (رسائل من جینوساید الایزیدیین بالالوان) ب جینۆسایدا ئێزدیان ڤەكر كو (30) تابلۆ ب خۆڤە دگرتن و تێدا هژمارەكا تابلۆیان نیشان دان كو دەربرین ژ ئێش و نەخۆشیێن ئێزدیان دكرن،هەروەسا ئەو شەرڤان و جانگۆریێن كو بووینە قوربانی لسەر خاترا ئێزدیان و چیایێ شنگالێ تابلویێن وێ دەربرین ژێ دكر.
ل داویێ گۆت:هیڤیا من ئەوە بكاربم رۆژەكێ لسەر ئاستێ نێڤ دەولەتی ژی ئێشئازارێن مللەتێ خۆ پیشان بدەم.
تُتاح هذه الصورة أيضا في: کوردی