رێڤهبهرێ گشتى يێ ئهوقافا دهۆكێ سهرهدانا قهسرا ميرى و پهرستگهها لالش كر
تۆرا لالش/دهۆك
دسهرهدانهكا تايبهت دا بهرێز “محهمهد خالد” رێڤهبهرێ گشتى يێ ئهوقاف و كاروبارێن ئاينى ل پارێزگهها دهۆكێ ب ياوهريا بهرێز “جهعفهر سمۆ” رێڤهبهرێ كاروبارێن ئێزديان ل دهۆكێ سهرهدانا قهسرا ميرى كرن و ژلايێ مير و بابا شێخ و هژمارهكا كهسايهتيێن ئێزديان ڤه هاتنه پێشوازيكرن.
مهرهم ژ سهرهدانێ پێش وهخت پيرۆزكرنا جهژنا جهمايێ و چهند بابهتێن گرێدايى پرۆسێسيا پێكڤهژيانێ گهنگهشهكرن.
ژئاليێ خۆ ڤه جهنابێ ميرى و بابا شێخ سووپاسيا رێڤهبهرێ گشتى كر بۆ ڤان جۆره سهرهدانان.
محهمهد خالد،رێڤهبهرێ گشتى يێ ئهوقاف و كاروبارێن ئاينى ل پارێزگهها دهۆكێ خۆشحاليا خۆ دياركر كو بهريا چهند رۆژان جهنابێ سهرۆكێ حكومهتا ههرێما كوردستانێ رهزامهندى لسهر چهندين پرۆژهيان بۆ برايێن ئێزدى دابوو ئهڤه ژى جيێ دلخۆشيا مهيه و نيشانا پێكڤهژيان و ههڤدووقهبوولكرنێ يه و نيشا خهمخۆريا جهنابێ سهرۆكێ حكومهتێ يه بۆ پێكهاتا ئێزدى.
پشتى گهنگهشهكرنا چهندين بابهتان شاندێ ناڤبرى سهرهدانهكا تايبهت برنه پهرستگهها لالش و ژئاليێ مالباتا فهقيرى ڤه هاتنه پێشوازيكرن و گهريانهكا دناڤ پهرستگههێ لالش دا كرن.
رێڤهبهرێ گشتى يێ ئهوقاف و كاروبارێن ئاينى ل پارێزگهها دهۆكێ دووپاتكر كو كوردستان مهلبهندێ پێكڤهژيانێ يه و هيڤى خواستن رۆژ بۆ رۆژێ ههموو پێكهاتێن گهلێ كوردستانێ ب خۆشى و سهرفهرازى بژين.
تُتاح هذه الصورة أيضا في: کوردی