رێكخراوه‌كێ ره‌وشا ئێزدیان ل جڤینێن جڤاتا مافێ مرۆڤ ل جنێفێ ئینا زمان
تۆڕا لالش یا ڕاگه‌هاندنێ :
ب ئه‌ندامه‌تیا 193ێ وه‌لاتان و پشكداریا چه‌ندین رێكخراوێن نێڤ ده‌وله‌تى و جڤاتێن سڤێل كوخودان كورسینه وه‌ك سیفه‌تا راوێژكاریێ, كۆمبوونێن جڤاتا مافێ مرۆڤ ل باره‌گایێ نه‌ته‌وه‌یێن هه‌ڤگرتى ل جنێڤا پایته‌خت یا به‌رده‌وامه پێخه‌مه‌ت كۆمكرنا راپۆرتان و شاندنا وان بۆ نیویۆرك , , دناڤا ئه‌وان دا ژى رێكخراوا نێڤ ده‌وله‌تى یا ئێزدى بۆ رووب رووبوونا به‌رهه‌نگاریا جینۆسایدێ ب سه‌رپه‌رشتیا نڤیسه‌ر و چالاكڤان و به‌رپرسێ رێكخراوێ حه‌سۆ هورمى یه, ل خۆلا 51ێ یا ڤێ چارێ كۆمبوونێن مافێ مرۆڤ رێكخراوا نافهاتى داخوازكرن كو په‌یاما ئێزدیان بگه‌هینت , ئه‌ڤه ژى پارچه‌ك ژ گوتارا رێكخروا نێڤ ده‌وله‌تى یا ئێزدى بۆ به‌رهه‌نگاربوونا جینۆسایدێ ,كو دكۆمبوونێ دا هاته پێشكێشكرن وه‌كو داخوازیێن خه‌لكێ شنگال و ئێزدیان .
سوپاس به‌رێز سه‌رۆك :
ئه‌ز حه‌سۆ هۆرمى مه ره‌وشا ئاواره‌یێن ئێزدیی ل عیراقێ بۆ وه به‌حس دكه‌م ,بۆ ده‌مێ هه‌شت سالانه زێده‌ترى (300) هه‌زار ئێزدى ل كه‌مپێن ئاواره‌یێ دا ل هه‌رێما كوردستانێ ل بن ره‌وشه‌كا زه‌حمه‌تا ژیانێ دا دژین , پشتى ئه‌نجامدانا تاوانا جینۆسایدێ ژلایێ خیلافه‌تا ئیسلامى ل عیراق و شامێ (داعش) ل 3ى ته‌باخا 2014ێ ل دژى ئێزدیان و و كه‌مینه‌یێن دیترێن عیراقێ هه‌ر ژ مه‌سیحیا و توركمانێن شیعه وشه‌به‌كێن شیعه و كاكائیان كو ئۆمێد ژى دادپه‌روه‌رییه بۆ قوربانیاو قه‌ره‌بۆكرنا بیروبۆچونانه و دادگه‌هكرنا پێكهاته‌یێن داعشه
به‌رێز سه‌رۆك
ره‌وشا ئێزدیێن عیراقێ خرابه , كو كۆچكرن یا به‌رده‌وامه ,ڤه‌كرنا گۆرێن بكۆم ب هێواشى دمه‌شه و نه‌بوونا دادپه‌روه‌ریێ بۆ زیانپێكه‌فتیان و قوربانیێن بن ده‌ستێ داعشێ و نه‌بوونا به‌رنامه‌یان ژبۆ ئاڤه‌دانكرنێ .
لدووڤ زانیاریێن نڤیسینگه‌ها رزگاركرنا ره‌ڤاندیێن ئێزدى كو ژلایێ به‌رێز نێچیرڤان بارزانى ڤه هاتییه دامه‌زراندن و دراڤ بۆ هاتییه دابینكرن , (3554 ) ژن و كچ و زارۆك هاتینه رزگاركرن و ئازادكرن پشتى كو ل بازارێن به‌ندایه‌تیێ هاتینه فرۆشتن ,لێ هێشتا چاره‌نڤیسێ 2هه‌زارو 717 ره‌ڤاندیێن ئێزدى ژلایێ داعش ڤه نه‌هاتینه زانین
لدووماهیێ ژى
ئه‌م دبێژین ره‌وشا شنگال ئالۆزه ب سه‌ده‌ما به‌لاڤبوونا فراكسیۆنێن چه‌كدار و نه‌بوونا رۆلێ راست ودروست یێ حكومه‌تێ ,ژبه‌رڤێ چه‌ندێ داخوازێ ژ جڤاتا نێڤ ده‌وله‌تى دكه‌ین كو فشارێ بێخنه سه‌ر حكومه‌تا عیراقێ داكو كاربكه‌ت ل سه‌ر ئاسایی ویاساییكرنا ره‌وشا شنگال پێخه‌مه‌ت هاندانا ڤه‌گریانا خۆبه‌خش و سلامه‌تیا ئێزدیان بۆ ده‌ڤه‌رێن وان ژبۆ ده‌ستپێكرنا ژیانا خۆ یا ئاسایى هه‌روه‌ها داواكارین ژ نه‌ته‌وه‌یێن هه‌ڤگرتى كو نابیت ژانێن خه‌لكێ شنگال بكه‌نه له‌یستۆكه‌كا سیاسى به‌لكو ئه‌ڤێ چه‌ندێ بۆ ئیراده و حه‌ز و بریارا خه‌لكێ وێ بهێلن .
سوپاس
س.س
تُتاح هذه الصورة أيضا في: کوردی
