میرێ ئێزدیان دگه‌ل والیێ باتمانێ چه‌ندین پرسێن گرێدایى ره‌وشا ئێزدیان گوتوبێژكرن
تۆڕا لالش یا راگه‌هاندنێ :
رۆژا سێ شه‌مبوویێ رێكه‌فتى 4ى چریا ئێكێ 2022ێ میرێ ئێزدیان ل كوردستانێ و جیهانێ ب یاوه‌ریا شانده‌كى سه‌ره‌دانا رایه‌دارێ ویلایه‌تا باتمانێ كر و پرسێن ئێزدیان ئینان زمان ل وه‌لاتێ توركیا
میر حازم ته‌حسین به‌گ میرێ ئێزدیان ل كوردستانێ و جیهانێ ب یاوه‌ریا شانده‌كى ژ عیراقێ و ئێزدیێن ئاكنجیێن باتمانێ سه‌ره‌دانا والیێ باتمانێ كرن و ژئالیێ والیێ ویلایه‌تێ ڤه هاتن پێشوازیكرن
خالد نه‌رمۆ یه‌ك ژ كه‌سایه‌تیێن دگه‌ل شاندى بؤ تۆڕا لالش یا راگه‌هاندنێ گۆت : جه‌نابێ میرى دگه‌ل والیێ باتمانێ ئاریشه و پرسێن ئێزدیێن ده‌ڤه‌رێ یێن گرێدایى ئه‌رد و زه‌ڤى و مولكان دگه‌ل والیێ باتمانێ گوتوبێژكرن , هه‌روه‌ها ژى پرسا مه‌زارگه‌هێن ئۆلى ونوژه‌نكرن وان ل ده‌ڤه‌را خالتان ل قه‌زا بشێریێ یا ب سه‌ر ویلایه‌تا باتمان ڤه ته‌ڤلى دان و ستاندنێ بوون دناڤبه‌را هه‌ردوو ئالیان دا .
دبه‌رده‌وامیا ئاخفتنا خۆدا گۆت ژى : والیێ باتمانێ ئاماده‌یا خۆ ده‌ربرى ده‌رباره‌یى چاره‌سه‌ركرنا ڤان پرسگرێكان وئه‌و چه‌نده ژى ئینا زمان كومیرێ ئێزدیان داخوازنامه‌ك ئاراسته‌یى والیێ ویلایه‌تا نافهاتى كر ژبۆ سه‌ره‌دان كوردستانێ و په‌رستگه‌ها لالش و ژلایێ خۆڤه ره‌زامه‌ندیا خۆ ده‌ربرى ل سه‌ر داخوازنامێ
ژ ئالیه‌كى دن ڤه میر حازم و شاندێ دگه‌ل دا سه‌ره‌دانا قه‌زا بشیریێ كرن كو 13ێ خێزانێن ئاواره‌یێن شنگال ل ور دنشته‌جێبوون و گوهداریا گله و گازندێن وان كرن كو پرسگرێكا ئیقامێ هه‌بوون خۆشبه‌ختانه دگه‌ل والیێ باتمان ئه‌و ژى هات چاره‌سه‌ركرن
هه‌ژى گۆتنێ یه ئه‌ڤه بۆ ده‌مێ چه‌ندین رۆژه میرَ ئێزدیان ب یاوه‌ریا شانده‌كى ژ كه‌سایه‌تیێن ئێزدى سه‌ره‌دانا وه‌لاتێ توركیا كرى ب مه‌ره‌ما پرسین ل ره‌وشا ئێزدیان ل ڤى وه‌لاتى و ڤه‌دیتنا رێكه چاره‌سه‌ریان بۆ گله وگازندێن وان دگه‌ل رایه‌دارێن ده‌ڤه‌رێ
س.س
تُتاح هذه الصورة أيضا في: کوردی
