گوندێ كۆچۆ دێ وەكو مۆزەخانا جینۆسایدا شنگالێ مینت
تۆرا لالش:
قایمقامێ قەزا شنگالێ رادگەهینت،كو گوندێ كۆچۆ دێ بتە مۆزەخانا جینۆسایدا شنگالێ،هەموو تاوانێن تیرۆرستێن داعشێ دناڤ گوندی دا هاتینە ئەنجامدان شوونوارێن وێ وەكی خۆ دێ مینن.
نایف سەیدۆ، قایمقامێ قەزا شنگالێ ب وەكالەت بۆ دەنگێ لالش ئاشكەراكر،گوندێ كۆچۆ ل شنگالێ ئێكە ژ وان گوندێن ئێزدیان یێ كو ل ساڵا 2014ێ ژلایێ تیرۆرستێن داعشێ ڤە هاتییە دوورپێچكرن و كۆمەلكووژكرن،كو خەلكێ وێ د قوتابخانا گوندی دا هاتنە كۆمكرن و كۆمەلكووژكرن، نۆكە بریار هاتییە دان گوندێ كۆچۆ ببتە مۆزەخانا جینۆسایدا شنگالێ، گوندێ كەڤن نائێتە ئاڤاكرن، چنكو ب تەنشت گوندی ڤە گوندەكێ نوو دێ ئێتە دروستكرن،ژبۆ وێ چەندێ هەركەسەكی سەرەدانا شنگالێ بكەت ب بینت كو تیرۆرسیتێن داعشێ ل ساڵا 2014ێ چ ب سەرێ ئێزدیان ئینایە.
ئاماژە ب وێ چەندێ دا ڕێكخراوا كۆچا نێڤ دەولەتێ دێ ژ نوو گوندەكی ب تەنشت گوندێ كۆچۆ ڤە دروست كەت،كو دێ پتر ژ 100 خانییان بن.
تُتاح هذه الصورة أيضا في: کوردی