وەزیرێ ناڤخۆ یێ حكومهتا هەرێما کوردستانێ ڕادگههينت، هەرێما كوردستانێ هەردەم دخوازت پەیوەندییێن دۆستانە و سەقامگیر هەبت ل گەل وەلاتێن جیران.
ئيرۆ ئێك شەمبوويێ، 22ـی شوباتا 2026، ل گەل ڕۆژا جيهانى يا زمانێ دایکێ، رێبەر ئەحمەد، وەزیرێ ناڤخۆ یێ حكومهتا هەرێما کوردستانێ د کۆنگرەیەکێ ڕۆژنامەڤانی دا چەند پرسێن گرنگ یێن گرێدایی ئاسایشا دەڤەرێ و مەترسییێن تیرۆرێ بهحس كرن.
وەزیرێ ناڤخۆ تەكەزی ل سەر سیاسەتا جهگر یا هەرێما کوردستانێ کر و راگەهاند: “کوردستان نابیتە ژێدەرێ گەفێ بۆ سەر هیچ وەلاتەكی و گۆت، هەرێم هەردەم دخوازیت پەیوەندییێن دۆستانە و سەقامگیر هەبیت ل گەل وەلاتێن جیران.
رێبەر ئەحمەدی هۆشداریدا ل سەر سەرهەلدان و زێدەبوونا چالاکییێن ڕێکخراوا تیرۆریستییا داعشێ و گۆت: “داعش هێشتا گەفەكا بهێزە گۆت، “ئەڤ رێکخراوە ل ڤان دووماهیان ل دەڤەرێن جودا یێن عێراقێ و سوورییێ چالاکتر بوویە، ئەڤێ پێدڤی ب هەماهەنگییا پتر یا ئەمنی هەیە بۆ هندێ تیرۆریزم بهێتە ژناڤبرن.
وەزیرێ ناڤخۆ یێ حكومهتا هەرێما کوردستانێ تهكهزى ل سهر پاراستنا ئارامیا دهڤهرێ کر و ڕاگەهاند؛ پێدڤيه هەموو بزاڤ بۆ هندێ بن کو عێراق و هەرێما کوردستانێ ژ مەترسیێن شەڕى و ههڤركييان دوور بن، تا کو خەلک د ئاسایيش و ئارامیيێ دا بژین.