تۆرا لالش
د لێدوانەکا تایبەت دا بۆ تۆرا لالش چالاكڤانا مافێن ژنان “سوزان سەفەر” ب هەلکەفتا ڕۆژا جیهانییا ژنان، پیرۆزباهی ل تەڤایا ژنێن جیهانێ و کوردستانێ دكهت، ب تایبەتی ژنێن ئێزدی و ئەو ژنێن کو بووینە قوربانیێن شهڕ و ململانێیان.
کاریگەریا شەڕی و خۆڕاگریا ژنێ… سوزان سەفەر ئاماژە ب وێ چەندێ کر کو شەڕ و ئالۆزییان کاریگەرییەکا دژوار ل سەر ژنێ کرییە، چ ژ ئالیێ دەروونی ڤە یان ئابووری، لێ سەرەڕای ڤان هەموو ئاستەنگان، ژنا ئێزدی هەردەم ب خۆڕاگرییا خۆ بەرامبەر هەر ڕوودانەکێ ڕاوەستایە.
سەلماندنا شیانان ل سەر ئاستێ جیهانی… د پشکەکا دی یا ئاخفتنێن خۆ دا، ناڤبری تیشک ئێخستە سەر هێزا ڕزگاربوویێن ئێزدی یێن دەستێ هۆڤێن داعش و گۆت: “ئەڤ ژنە ب هێز و ورەیەکا مەزن هەبوونا خۆ سەلماندییە و شیایە دەنگێ مەزڵومیەت و ئیرادەیا ژنا ئێزدی بگەهینتە ناڤەندێن بڕیارێ ل جیهانێ.
بەهرەمەند و پاشەڕۆژ… هەروەسا ناڤهاتیێ دووپات کر کو د ناڤ جڤاکێ مە دا ژنێن خودان بەهرە و شیانێن زۆر بلند هەنە، کو دكارن د بیاڤێن جودا جودا دا ڕۆڵەکێ کاریگەر بگێڕن و پاشەڕۆژەکا گەشتر ئاڤا بکەن.
تُتاح هذه الصورة أيضا في: کوردی