تۆرا لالش
ب هەلکەفتا یۆبیلا زێرینا شۆرەشا گولانێ ئەڤ هەلبەست دیاری یە ژ بۆ جانێ پاکێ جانگۆریێ سەرکردە محمود ئێزیدی.
سەرهاتیا قەهرەمانەکی
محمود ئێزیدی
ستێرەک بوو
خوە ژ شەڤێ
ڤە دزی
داکو شکەفتا ل لێقەومیا رۆهن بکە
دەسمالەکا دلۆڤانیێ بوو
رۆندک ژ چاڤێن کەزب پەرتیا
رادمالین
رووبارەکی ئاڤێ بوو
زەڤیێن مەلوول
ب رۆهتانین
چیایەکی ئاسێبوو
ڤەرەسیایێن ژ شۆرەشەکا
ل سێدارێ دایین هەمبێز دکرن
محمود ئێزیدی
نەورۆزەک بوو
ئاگرێت مزگینیا ل سەر
کۆپێن گارا ومەتین هەڵدکرن
شۆرەشەک بوو
ل ناڤ شۆرەشێ دە
هیڤیێت مری ساغ دکرن
لەوما دوژمن ونەحەزا
تەڤنێت پیلانا راچاندن و
داڤێت مرنێ لبەر ڤەنیان
لێ پێش وەخت محمود
مرن بەزاندبوو
ئەوبوو هەتا هەتایێ
نەمری ژێرە بووە ناڤ ونیشان
تُتاح هذه الصورة أيضا في: کوردی