Seydo Çeto: Me nîgeraniyên xwe li ser hilbjiartinên parêzgehan ji NY re got
BasNews – Serokê encumena parêzgeha Mûsilê dibêje, eger qanûna hilbijartinên encumenên parêzgehên Iraqê neyê guhertin dê zilm li mesîhiyan û kurdên şebek û êzîdî bê kirin.
Serokê encumena Mûsilê, Seydo Çeto ji BasNewsê re got, me bi fermî nîgeraniyên xwe yên li ser hilbijartinên encumenên parêzgehan ji NY re gotiye û me daxwaz kiriye ew qanûn were guhertin.
Seydo Çeto her wiha got, eger ew qanûn neyê guhertin dê dengên wan kesên ku ji ber şer û terorê koçber bûne, bişewite. Zilmek mezin dê li mesîhiyan, kurdên şebek û êzîdî bihêt kirin.
Serokê encumena Mûsilê da xuyakirin, koçber ji ber rewşa ewlehî û xizmetguzariyê neşên vegerin ser cih û warê xwe û got, ji ber wê jî divê li cihê ku lê dijîn, deng bidin.
تُتاح هذه الصورة أيضا في: Kurdî