Segvan silêman: Bîrhatineke Qenatê Kurdo û Pîr Xidir Silêman
Segvan Silêman
Xudê jê razî mamosta û nivîser Pîr Xidir Silêman helwîst û bîrhatin di gel çendîn kesayetiya hebuyne, êk ji wan nivîserê bi nav û deng xudê jê razî Qenatê Kurdoye.
Canbehiştî li zivistana sala 2019an di peşkêşkirina siminarekê de derbarey vê bîrhatinê wesa di bêjit “Rojekê li Zanîngeha Bexda Para Ziman û Wêjeya Kurdî mamostayê me gote me mirovekî we hatiye û dixwaze we bibîne. Em di holekê de civyan, me dît ew Mîroyê Esede ji Ermenistsnê hatiye û berpirsê rojnama Riya Teze ye.
Wî ji mere behsa wêjeya kurdî li sofyêtê kir û got Qenatê Kordo mamostayê meye. Wî demî min hinek zanyarî li dor pêşve çona wêjeya Kurdî li Sovyêtê hebun û min nav û nîşanê Qenatê Kurdo bi dest xove anî û namek ji bo wî nivîsand kû ez xortekî Êzidî me xwendevanim û helbesta di nivîsim. Min qet bawer nedikir ew zanayê mezin wî demî nameya min bibîne û bersiv bide, belê bi demekî nêzîk bersiva min da û min name ji wî wergirt. Di wê name de wî keyf xoşya xo bo xwandina me gencêt Êzidya diyar kir û daxwaz kirbû ez wan karêt din betal bikem û ji zarê oldaran bi nivîsar û têkistêt Êzidyatiyê ve mijûl bibim û berhev bikem. Nama wî jiyana min guhart û berê min da karekî herî bi rumet û hêja ew jî bawerya bab û kala û Êzidyatî û Êzidînasî bu. Wî demî karê nivîsandina têkistêt olî bi karekî asan nebu, piştî wî demî me nama Qenatê kurdo bire cem babe şêxê berê û ew keyf xweş dibe û vê name bi dilekî mezin qebul dike”.
Wek ya xweya ew buyer dibe buyereka mezin û girng di jiyana Pir Xidir de û her bi wê rêyê û vekirna vî dergehî beşekî mezin ji wêjeiya ola Êzdiya di ête berhevkirin û weşandin û navê Pîr Xidir her serkêş u yekem di mîne di vî warî de.
00CH
تُتاح هذه الصورة أيضا في: Kurdî