Serokwezîr Mesrûr Barzanî ji bo Lûtkeya Keşûhewayê ya Cîhanê hat vexwendin
BasNews– Serokwezîrê Herêma Kurdistanê Mesrûr Barzanî îro pêşwazî li Konsolê Giştî yê Îmarata Erebî li Herêma Kurdistanê Ehmed Îbrahîm El Zahirî kir.
Konsolê Giştî yê Îmaratê vexwendnameya Cîgirê Serokomar, Serokwezîr û Mîrê Îmaratê Şêx Mihemed Bin Reşîd El Mektûm gihand Serokwezîr Mesrûr Barzanî, ji bo beşdarbûna di Lûtkeya Keşûhewayê ya COP28 de ku dê di 1 û 2ê Berçile de li Dubayê were lidarxistin û bi Roja Niştimanî ya Îmaratê re hevdem e.
Di wê lûtkeyê de, guftûgo derbarê rûbirûbûna bandorên nerênî yên guherîna keşûhewayê li ser cîhanê bên kirin.
CH
تُتاح هذه الصورة أيضا في: Kurdî