Dijeterorê Kurdistanê derbarê êrîşa îro li Hewlêrê de daxuyaniyek belav kir

Navenda Nûçeyan (K24) – Dezgeha Dijeterorê ya ser bi Encûmena Asayişa Herêma Kurdistanê ve zanyariyên nû derbarê êrîşa droneyî ya îro berbangê li ser Hewlêrê de balav dike.

Li gor daxuyaniya Dijeterorê Kurdistanê, 3 drone li ber xaniyekî welatiyekî gundê Birax yê ser bi Hewlêrê ve ketin û droneyek li çiyayê Tarîn ku dikeve ket xwarê.

Dijeterorê Kurdistanê diyar kir, “ îro 26.06.2021ê demjimêr 01:50 de 3 drone li mala welatiyekî li ser rêya Sêwle ya li gundê Birax a nêzîk nahyeya Mela Omer a parêzgeha Hewlêrê de ketin ku du ji wan droneyan diteqin lê yek ji wan nateqe. Xwebextane ji bilî ziyanên madî, ti ziyaneke canî çênebûne. Herwiha droneyek jî li çola çiyayê Tarînê ketiye xwarê.

Wek hatiye destnîşankirin, hin diruşmeyên cuda cuda li ser baskên droneyan hatine nivîsandin.

Dijeterorê Kurdistanê tekez kir jî, lêkolîn derbarê vê êrîşê de berdewam in û encamên wê jî ji her aliyekî re aşkere dikin.