Zêdetirî 7 hezar termên Barzaniyan di gorên komî yên başûrê Iraqê de mane
Piştî derbasbûna 40 sal li ser komkujiya 8 hezar Barzaniyan ji aliyê rejîma Beis ve, heta naha jî bi tene 696 enfalbû, termên wan ji bo Barzan hatine vegerandin û hîn zêdetirî 7 hezar termên Barzaniyan jî di gorên komî yên Başûrê Iraqê de mane.
Rêveberê şehîd û enfalbûyan li Barzan Rêbuwar Remezan ji BasNewsê re ragehand: ‘’Sala 1983yê de Rejîma Beis a Iraqê bi çend qonaxan 8 hezar Barzanî di êrîşên hovane yên enfalê bi zindî binax kirin ku naha termên 696 enfalbûyên Barzanî li başûrê Iraqê ve hatine vegerandin û li goristaneke taybet de hatine veşartin û salane bîranîna wan qurbaniyan tê birêvebirin.’’
Herwaha aşkera kir: ‘’Heta naha jî 7 hezar û 304 termên kesên enfalbûyên Barzan di gorên komî yên başûrê Iraqê de mane û pêwîste hikûmeta Iraqê rewşa wan navçeyan, ji bo lijneyên lêkolîna li gorên komî aram bike, ku ew termane bên vegerandin û li Barzan bên veşartin.’’
CH
تُتاح هذه الصورة أيضا في: Kurdî
