Divê em bi zanîn û hêza xwe dîroka me ya hatiye guhastin û veşartin ronî bikin

Pirtûkeke delal derheqa pêşîyên Êzdîyan da

Kemal Tolan

Heval, dost û xwandevanên birêz!

Xwedê bêje herê, berpirsyarên Weşanên NAyê, dê di demek kurt de vê pirtûka min, a ku bi piştevaniya pismamê Celalê Hemê, ji gelek lêkolînên min, yên di derheqê dîroka welat, mîrgeh, beg, axa, cîh û warên êl-eşîrên Xaltanîyê, yên ku pêşîyên me Kurdên Êzdî, ku di nav herêma Xerzan, deşta Diyarbekir, Riha-Urfa, Cizîr-Mêrdîn, Hekkarî-Serhedê (Qars-deşta Rewanê) û Mereşê (Nizîp, Meletê, Kilîsê) de hebûn û bi taybetî jî yên li ser nasîn, berxwedan û kesayetên ji binemala Xwedê jê razî Zoro Axayê Êzdîyên Niqîba , her weha ji ber dîroknasîn û lêkolînên nivîskar birêz Xerzî Xerzan, Egît Yazar û Newaf Mîro hatiye dagirtin bighînine ber destên we birêzan!

Hêjayan ez baş dizanim, me di vê berhemê de, gelek sedemên ku dîrok, bawerî, nav û berxwedanên di welatê Xaltan de şaş hatine belakirin, guhastin û veşartin ronî kirine.

Hêvî dikim hûn jî bikaribin ji dîroka hatiye veguhastin, veşartin, şaşîtî û nerastiyan ra „bibêjin NA“.