Lalish Media Network / Hejar Midîr
Nûnerê Êzidîyan li perlemantoya Kurdistanê ragihand ku pirojek amadekirye u pitrîya Endamên Firaksiyona PDK Îmza kirne ji bo ku bibe mijarek li Perlemantoyê bê niqaşkirin u dengdan li ser bê kirin daku bibe Yasa ( Qanûn ) ..
Şêx Şamo Endamê Perlemanê Kurdistanê ji bo Tora Medîya Laliş ragihand li heyama derbasbûyî ew serqalî amadekirna Pirojekî bûn li bin navê ( Kuta Êzidîyan ) li perlemanê kurdistanê u civata parêzgeha Dihok ku pitirîya Endamên Firaksiyona Zer ya PDK îmza kirine, her weha Şêx Şamo hîvî xwest ku dema piroje bê pêşkêşkirn Endamên Lîst u Aliyên din yên Sîyasî jî li perlemantoyê piştevaniyê li pirojê Kuta Êzidîyan bikin ku Mafê Êzidîya ye ..
li gor Piroje ji bo Êzidîyan li Perlemantoyê u civata Parêzgeha Dihok de divê ( Kursîyên – Endamên Êzidîyan girentîkirî bin ) heta ku Mada 140 pêkbê piştra dengê Êzidîyan têra wan heye nûnerên xwe bi dengê xwe u heza xwe bişînin perlemantoyê ..
tê zanîn Kurdên Êzidî yên ku mafê Dengdanê li kurdistanê heyî hindikin ji berku 90% ji deverên Êzidîyan ( Şingal, Başîk u Bahzan, Xetar u Şêxan u deverên bi ser wan qezayan ve ) mafê dengdanê ji bo Perlemantoya Îraqê u civata parêzgeha Musil heye u bi vî awayî 10% ji deverên Êzidîyan ( Xanik, Şarîya, Baedrê u deverên Hewêrîyan li Qeza Zaxo ) mafê dengdanê hene , neha Êzidîyan yek Nûner li perlemantoya Kurdistanê heye ( Şêx Şamo ) her weha yek Endam li civata parêzgeha Dihok heye ( Bêrîvan Selîm Şemo ) ku postê cêgira serokê civatê ye u herdû jî li ser Lîsta PDK ..
تُتاح هذه الصورة أيضا في: Kurdî
