ما توو نازڤری
ژێگر كزوی
ما توو بریارا زڤرینێ نادەی
ماتە دڤێت توو چەند روژان
ژ ژیێ خۆ ل روژئاڤای ئاڤا بكەی
ما تە ل بەرە من و ئەوباژێرێ تۆ تێدا مەزن بوی
ب ئێك جاری ژبیر بكەی
ما ژكیڤە ل وی باژێرێ تو لێ
دشێ خۆ نازداربكەی
و ما ژ كیڤە تو دزانی نازداریا بێ من بكەی
و گەر خۆ نازدار ژی بكەی
كی دێ هەلبەستان ب تە نڤیسیت
كی دێ بۆ تە سترانان بێژیت
و كی دێ بۆ دیتەكا تە مریت
دێ ب زڤرە
راستە ل ڤی باژێری ئەم دبرسی بوین
راستە عەشق تاوان بوو
ماچ و دەست گرتن گونەه بوو
بەلێ ژ بیر نەكە
ماچێن قەچاخ دخوشن
پیاسێن دور ژ چاڤان ب رحن
من
باژێری ،عەشقێ ،ماچان،ژڤانان،هەلبەستان،سترانان
پێكڤە بێریا تە یا كری
دترسم
خەریبی تە بگوهورن
ئێدی بۆ زاروكێن هەژاران خەم نەكەڤی
بۆ ڤالانتاینان گولا نەچینی
شەڤێن یەڵدا بتنێ مینی
بۆ عەشقا خۆ نەگری نەگری
ب زڤرە من ژدل بێریا تەیا كری
ئەڤ باژێرە تێرا پیاسێن بتنێ بونا من ناكەت
ئەڤ دلە تێرا خەریبیا تە ناكەت
ب زڤرە كەس هندی من تە نازدار ناكەت
تُتاح هذه الصورة أيضا في: کوردی