فۆتۆ بێ بەرامبەر بۆ ئاوارەیان گرتینە
تۆرا لالش یا راگەهادنێ
فۆتۆگرافێ گەنج”سەمیان حەجی”خەلكێ كۆمەلگەها خانكێ یە،دكورتە دیدارەكێ دا بۆ رۆژناما دەنگێ لالش راگەهاند:”پشتی ئاوارەهاتین چەندین فۆتۆ بێ بەرامبەر بۆ مامەلەیێن وان و دگەل رێكخراوا داك ژبۆ گەشەپێدانا ژنا ئێزدی دناڤ كەمپان گەریایمە و فۆتۆ بۆ كێم ئەندامان گرتینە،نۆكە ژی خۆ ب فۆتۆگرافەكێ گەلەك باش دبینم”.
هەروەسا “سەمیان” دبێژت:”ژ زارۆكینیا خۆ حەزا ڤی كاری من هەبوو،مالا مە ستۆدیوكا گرتن و وێنەكرنا هەموو جۆرین وێنە و ڤیدیۆیا هەبوو من هێدی هێدی خۆ فێركرێ ئەڤە پتر ژ هەفت سالایە دەست ب ڤی كاری كری و حەژیكرنا من بۆ فۆتۆیی ئەوە كو ب ئێك چركە دئێتە گرتن وهەتا هەتایێ بیرهاتن دێ مینت،كارتێكرنا ل سەر من بووی كو بمە فۆتۆگراف هندەك روخسارو دیمەنێن جوان بوون پتر هان ددام كار بكم ،دیسان كارتێكرنا فۆتۆیی لمن كری ژ خووندنێ دوور كرم و دەمێ من هەموو یێ بری،پشتی ئاوارە هاتین چەندین فۆتۆ بێ بەرامبەر بۆ مامەلەیێن وان و دگەل رێكخراوا داك ژبۆ گەشەپێدانا ژنا ئێزدی دناڤ كەمپان گەریایمە و فۆتۆ بۆ كێم ئەندامان گرتینە”.
دبەردەوامیا ئاخفتنا خۆدا گۆت:”پتر حەژ فۆتۆیێ خەیالی و هۆنەری دكەم وكەسەكێ فێری ڤی كاری نەكریمە،بەلكو من گەلەك تشتێن مینا كامیرا و كۆمپیۆتەر خرابكرینە،هەتاكو من كاری تشتێ من بڤێت ب دەست خۆڤە بینم، نۆكە ژی خۆ ب فۆتۆگرافەكێ گەلەك باش دبینم”.
تُتاح هذه الصورة أيضا في: کوردی