ل كوردستانێ و ئەلمانیا كورتە فلمەك ل سەر كارەساتا شنگالێ دئێتە چێكرن
تۆرا لالش یا راگەهاندنێ/سالار فائز
كار ل سەر چێكرنا كورتە فلمەكی ل سەر كارەساتا شنگالێ،ل ئەلمانیا و كوردستانێ دئێتە كرن.
ناڤەرۆكا ڤی فلمی ل سەر كچەكا ئێزدیە كو لدەمێ دەستێ داعشی دا هەول ددەت خۆ بكوژت، داكو شەرەفا وێ نەكەفتا دەستێ هۆڤێن داعشی دا.
سیناریۆیا فلمی ژلایێ كچا رۆژئاڤایا كوردستانێ “خەدیجە حەسەن موراد”ڤە هاتیە دارشتن و ئەڤ فلمە تێكەلیەكا دناڤبەرا ئاشوبێ و ریالیزمێ دا.
هەروەسا ل كوردستانێ “سەلام خانكی” ب دەرهێنەریا فلمی و كارێ وێنەگرتنێ رابوویە و ل ئەلمانیا ژی “شێخ عەلی” دەرهێنەری و كارێ وێنەگرتنێ كریە، نۆكە د قۆناغا مونتاژێ دایە و پشتی داوی دئێت چاڤەرێنە پشكداریێ پێبكن ل ڤیستەڤالێن كورتە فلمێن جیهانێ دا ژوانا ئەلمانیا.
ئەكتەرا سەرەكی دڤی فلمی دا رزگاربوویەكا ئێزدیە بناڤێ”ئەخلاص خدر” و پیرەمێرەكێ ئێزدیە و گەلەك دیمەنێن راستەقینە د فلمی دا هەنە.
ستافێ فلمی داخوازا پشتەڤانیێ دكت،ژ پێخەمەت بەردەوامبوونێ.
تُتاح هذه الصورة أيضا في: کوردی