ژیندا كەنجو:ئێزدیان كەلتۆر و فلكلۆرێ رەسەن پاراستیە
تۆرا لالش یا راگەهاندنێ
هۆنەرمەندا كچ(ژیندا كەنجو)سەركەفتی یا ئێكەم ناسناڤا پرۆگرامێ كورد ئایدل ب دەستڤە ئینایە،پشتی هەڤركیەكا بهێز و نێزیكی چار هەزار پشكداران،دكورتە دیدارەكێ دا بۆ دەنگێ لالش خویاكر، هەر ژ زارۆكینیا خۆ دا بەهرەیا ستران گۆتێ ل نك وێ هەبوویە،ئاشكەراكر ژی كو ئێزدیان كەلتۆر و فلكلۆرێ رەسەن پاراستیە.
ژیندایێ دیاركر،ل زارۆكینیا خۆ دا بەهرەیا ستران گۆتێ ل نك وێ هەبوویە و ل ئاهەنگێن نەتەوەیی،مینا نەورۆز و جەژن و سەرسالان ستران دگۆتن و كەس وكارو هەڤالێن وێ دەستخۆشی لێ دكرن،دەربارەی پرۆگرامێ كورد ئایدل ئاماژەكر بنهراندنا وێ كورد ئایدل یێ بەرفرەهترین ژمارا پشكداران ل هەر چار پارچەیێن كوردستانێ ب یەك بگەهینت و ب رێیا بەهرەیا مۆزیك و سترانا كوردی و ل داویێ گەل بریارا كورد ئایدلێ خۆ بدەت كو ئەوان بدەنگێ كیش وان پێ خۆشە و ئەو ب خۆ هەلبژارتنەك پر باشە بۆ پشكدارا و بۆ پرۆگرامی.
ژلایەكێ دیڤە ل سەر هەلبژارتنا سترانا (وەی ل لمن غەریبێ) یا هۆنەرمەند(خدر فەقیر)راگەهاند،ئێزدیان كەلتۆر و فلكلۆرێ رەسەنێ هەلگرت و پاراستنا ل سەر كری و هەر كەس دزانە ،ژبەر وێ یەكێ پێشكێشی گەلێ خۆ كر ،سەبارەت رەخنەگرتنێ ل سەر پرۆگرامی ئاشكەراكر گەلێ مە هێشتا ب چاڤەكێ تەسك و تەنگ تەماشەیی یەك دوو دكن و جیێ داخێ كو هەتا نۆكە ژی هزرا عەشیرەتگەری و دەڤەرداری و زاراوی و ئۆلی ل نك بهێزە ،هەر چاوا بت بدەستڤە ئینانا وێ وەكو ئێكەم ناسناڤا كورد ئایدل ب رێژەیا پتریا دەنگان بوو.
ل دۆر پرۆژێن خۆ یێن داهاتی گۆت:ب پشكورین ڤە ئەو سوپرایزە،لێ ب ئانەهیا خوێ وێ بدێ حەژیكەرێن وێ بن ل پاشەرۆژەك نێزیك،نۆكە دخوازم ڤەگەرم بۆ دیتنا وار و كەس وكارێن خۆ ل كۆبانێ.
كەنجو ل سالا 1991ێ ل باژێرێ كۆبانێ ل رۆژئاڤایێ كوردستانێ ژدایك بوویە،هەر چەندە پەیمانگەها هۆنەری پشكا مۆزیكێ خووندیە ل شامێ،لێ ل دووڤ دا ژ ئەگەرێ شەری ل سووریا ژ خووندنێ ڤە دقەتت و دئێتە كۆبانێ،پاش دگەل مالبات وكەس وكارێن خۆ ئاوارەیی توركیا بووینە.
تُتاح هذه الصورة أيضا في: کوردی