راپەر سەرهاد خەلیل:بوویمە رێخۆشكەر بۆ كەسێن ئارەزۆیا گۆتنا راپێ هەی
تۆرا لالش یا راگەهاندنێ
راپەرێ كوردێ ئێزدی(سەرهاد خەلیل)ناڤدار ب (SDS) بۆ رۆژناما دەنگێ لالش دیاركر،هەتا نۆكە پتر ژ پازدە راپان د تۆرێن ئەنتەرنێتێ دا تۆماركرینە و هاتینە بەلاڤكرن،د هۆنەرێ راپێ دا پەیام سڤكتر دگەهت ژ هۆنەرێن دی،دیسان بوویمە رێخۆشكەر بۆ وان كەسێن ئارەزۆیا گۆتنا راپێ هەی.
سەرهادی گۆت:د ژیێ زارۆكینیێ دا من تەماشە و گۆهداریا هۆنەرێ راپێ دكر و ل سالا (2012)ێ ئێكەمین كلیپا خۆ یا راپێ بەلاڤكر بناڤێ (رێیا هیڤیا) كو ناڤەرۆكا وێ لسەر ئێش و ئازارێن ئەڤینیداران و رێگریا جڤاكی د دەرهەقێ وان دا بوو،هەتا نۆكە پتر ژ پازدە راپان د تۆرێن ئەنتەرنێتێ دا تۆماركرینە و بەلاڤكرینە بتنێ سێ ژوان كرینە كلیپ و ئێك ژوان ل كەنالێن راگەهاندنێ دئێتە خوار و سێ یێن دی ژی لسەر كارەساتا شنگالێ بوون ئەوا ل 3/8/2014)روودایی،ژبەركو هاریكاریا مادی نینە بكەمە كلیپ ،هەروەسا راپێن من لسەر وەلات و ئەڤینی و وێ زولما بسەرێ ئێزدیان دا هاتی د مێژوویێ دانە و د هۆنەرێ راپێ دا پەیام سڤكتر دگەهت ژ هۆنەرێن دی.
ناڤهاتی ئاشكەراكر،دناڤ ئێزدیان دا ئێكەمین كەس بووم راپ گۆتی،ژلایێ جڤاكی ڤە هاتمە رەخنەكرن،لێ پشتی بۆرینا دەمی د پێناسەیا هۆنەرێ راپێ گەهشتن و دیتنا وان هاتە گهۆرین بۆ راپێ ب جوانی پێشوازی لێ كرن،دیسان بوویمە رێخۆشكەر بۆ وان كەسێن ئارەزۆیا گۆتنا راپێ هەی.
خەلیل ژ دایكبوویێ سالا 1991ێ یە ل ناوچەدارییا باعەدرێ سەر ب قەزا شێخان ڤە، ل سالا (2012)ێ هاتیە دناڤ گۆرەپانا هۆنەرێ راپێ دا.
تُتاح هذه الصورة أيضا في: کوردی