غەریبم ژشنگالاخوە
قاسم لەوەندی
ئەز غەریبم ژشنگالاخوە
ژهەڤالاو ژوارێ خوە
چ بكەم دەربەدەرم دكەم بێریا شنگالاخوە
ئەز غەریبم ژ چیا
ژوان دەشت وگەلیا
كەنگێ ئەز دێ ڤەگەرم وڤەخۆم ژئاڤا وان كانیا
ترسم بمرم لغەریبیا
وەكا ئێتیم وسێوییا
بەردیواروسەرێت رێیا
ئەزغەریبم ژسەیرانێت گەلیێ كەرسێ وقەندیلا شنگالێ
ژسۆسن وگۆل وبەیبونێت وەرزێ بوهارێ
ژشەڤ خوەشك وجڤاتا
ژدیلان وداوەتا
ژهەموو گۆندێت قبلەت وشەمالێ
فەلەك بۆچی تەدەردا تە نەدادەرمان
لمەرابوون 74 فەرمان
ئیرۆ ژتە دوورم هەی شنگالاجوان
چ ڕۆژەكا نەخۆش بوو
ئەو ژی ڕۆژا 3 ی 8 بوو
دەركرنا مە ژوارێ مە گەلەك یابزەحمەت بوو
ئەزدووركەتم ژشنگال
بەلێ ئەز نەمام بێجی وبێ حال
ئەز ئاكنجی بووم لكوردستانا دەلال
شنگال توو ستێرەكا گەشی
خوین ودل وهەستی ولەشی
شنگال من ژنوو زانی كا چەندە بزەحمەتە بێ خودانی
ئەز دێ ڤەگەرم وماچی كەم قەبرێت وان خورتێن خوە بۆتە كرین قوربانی
ئەز دێ ڤەگەرم لشنگالاخوە
ئەو شنگالا هەتائیرۆ نەدایی كەسی چیایێ خوە
ئەوشنگالا هەتا ئیرۆ نەدایی كەسی چیایێ خوە
تُتاح هذه الصورة أيضا في: کوردی