بەرهەڤیا ئەنجام دانا كارێن نوو یێن هونەری دكت
تۆرا لالش یا راگەهاندنێ 
هۆنەرمەندێ شنگالێ”ئیسماعیل رەشۆ”دكورتە دیدارەكێ دا بۆ رۆژناما دەنگێ لالش دیاركر:”هەر دزارۆكینیێ دا من من حەز ژ كارێ هۆنەری و ب تایبەت هۆنەرمەندیێ كر، هەتا نهۆ بەردەوامم و بەرهەڤیا ئەنجام دانا چەند كارێن نوو یێن هونەری دكەم”.
هەروەسا رەشۆ گۆت:”د تەمەنێ چاردە سالیێ دا من دەست ب كارێ هۆنەرمەندیێ كر و دوێ سالێ دا ستران چێكرن و هەتا نهۆ( 4) كاسێت تۆماركرینە و هەر كاسێتەكێ ژ وان ژ( 10 )سترانا پێكهاتبوون و دناڤ وان سترانان ژی دا لهەر كاسێتەكێ ئێك یان دوو ستران ژ پەیڤێت من بوون دگەل ئاوازێن هەموو وان سترانان و نێزیكی 6 یان 7 ستران ب تاك تاكە چێكرینە،زێدەباری چەندین ستران لسەر شنگال و وێ كارەساتا بسەر دا هاتی ل(3/8/2014) چێكرینە،دیسا وی ستران و ئاواز داینە گەلەك هۆنەرمەند و هۆزانڤانان و چەندین كارێن هۆنەری دگەل هەلبەستڤان و هۆنەرمەندێن ئێزدی ئەنجام داینە،دگەل هندێ داخوازێ ژ هەموو هۆنەرمەندێن ئێزدی دكەم كو هۆنەرێ ئێزدیان پێشڤەببەن وبدەنە دیاركرن بۆ هەموو جیهانێ”.
دەربارەی كارێن خۆ یێن هۆنەری ل داهاتی ناڤهاتی ئاشكەراكر:”نهۆ بەرهەڤیا كاسێتەكا نوو دكەم و سترانەك ژی لبەر دەستە بكەمە كلیپ”.
تُتاح هذه الصورة أيضا في: کوردی