رەوشەنبیری جڤاكەكێ ساخلەم بەرهەم دئینت
راپۆرت:جوان بەرواری 
رەوشەنبیری ئێك ژ رێكێن ئەكتیڤبوونێ نە دناڤا جڤاكی وتایبەت خێزانان دا و جڤاكەكێ ساخلەم بەرهەم دئینت،هەتا مرۆڤ رێیا رەوشەنبیریێ ئارمانجێ ب دەست خۆڤە بینت پێتڤی گەلەك خالان دبت،نهۆ پشتی دەركەڤتنا تەكنولۆژیایێ و تۆرێن جڤاكی رۆژ بۆ رۆژێ ئاستێ زانینێ بەرفرەهتر لێ هاتیە و خووندن بوویە ئێك ژ ئالاڤێن هەرە سەرەكی ل جەم تاك و خێزانان،ڤەكۆلەرەكێ جڤاكی ژی ئاشكەراكر كو مللەتێ پێشكەڤتن و رەوشەنبیری تێدا نەبت مللەتەكێ سەركەفتی نابت.
(هاریوان روستنیكی)خودان خێزانە دبێژت:ب دیتنا من د كەڤن دا ئاستێ رەوشەنبیریا جڤاكێ كوردی یێ لاواز بوو، لێ نهۆ پشتی دەركەفتنا تەكنولۆژیایێ تۆرێن جڤاكی رۆژ بۆ رۆژێ زانین بەرفرەهتر لێ هاتیە و خووندن بوویە ئێك ژ ئالاڤێن هەرە سەرەكی ل نك تاك و خێزانان،هەر خێزانەكا ئاستێ زانینێ تێدا نەبت بێگومان خێزانەكا كۆرەیە، لەورا گەلەك جاران بارێ ئابووری وێ رێ نادەت كو تاك بەرەف ئاستێ رەوشەنبیریێ بەردەوامیا خووندنێ بچت،لێ یا پێتڤیە وەزارەتا رەوشەنبیری و دەزگەهێن راگەهاندنێ و دەیك و باب پشتەڤان و هاریكاریا تاكی بكن،ژبۆ دەستڤە ئینا هەر بەهرەك و پێشهاتەكا هەبت دئاستێ رەوشەنبیریێ دا، داكو جڤاكەكێ ساخلەم بێتە بەرهەم هێنان.
هەروەسا(هەلز)كچەكە دیاركر،رەوشەنبیری ئێك ژ رێكێن ئەكتیڤبوونێ نە دناڤا جڤاك وتایبەت خێزانان دا، ئەگەر خێزان یا رەوشەنبیربت وی دەمی كچ و ژنێ ژی مافێ هەی پشكداری هەر كارو چالاكیەكا ژدەرڤە ب بت، چنكو رەوشەنبیریەت سیادەتێ د ناڤا خێزانێ دا پەیداكەت و ئیرادا خێزانێ بەرەف ئاستێ بلند بوون خۆ گهۆرینێ وارێ ئازادبوونێ ڤە دبەت ، لەورا یا گرنگە خێزان خۆ دبوارێ رەوشەنبیربوونێ دا پترخوە پێش بێخت.
دیسان گەنج(باران زێرو) گۆت:هەتا مرۆڤ رێیا رەوشەنبیریێ ئارمانجێ ب دەست خۆڤە بینت ، مرۆڤ پێتڤی گەلەك خالان دبت ژوان ژی، ئێكەم تشت دەمێ بخوازت و بەرێ خۆدەتە ئارمانجێ دڤێت یا ژ هەموویێ گرنگتر ئەو بخۆ بریارێ بدەت واتە بریار ژلایێ جڤاكی چوو لایەنێن دی نەبت، هەردیسان ڤیان ئێك ژ بنەماێن هەرە سەرەكیە ل جەم تاكی كو بكارت دێ چاوان چارچووڤێ ژیانا خۆ رێك ئێخت، ژلایەكێ دیڤە ب مخابنی ڤە هەتا نهۆ تاكێ كورد ژلایێ خۆ گهۆرینێ ڤە لاوازە ،چنكو تشتێن نوو ناخازت بتنێ دخازت دیاردێ بكاربینت، لەورا هەرگاڤا تە بریاردا كەسایەتیا خۆ ئاڤا بكەی دئالیێ رەوشەنبیریێ دا وی دەمی دێ كەسایەتیەكا باشتر بۆ تە پەیدابت.
ژلایێ خۆڤە ڤە ڤەكۆلەرێ جڤاكی(حەجی مغسو)دیاركر،ئەگەر خێزان دبنەرەت دا یا رەوشەنبیربت و دەیك و باب خودان باوەرنامە بن بێگومان دێ هەولدەن زارۆكێ خۆ باشتر پەروەردە كەن،چنكو ئەركێ وانە تاكەكێ رێك و پێك دناڤا كۆمەلگەهێ دا بچینن، ژلایەكێ دیڤە جڤاكێ مە داب و نەریت گەلەك خالێن دیێن رەوان تێدا هەنە تاك وان خالان ژ دەیك و بابان ڤەدگوهێزن وەك سەربۆر،لەورا ئیرۆ قوتابخانە دئاستێ بلند دانە و جیهانگری و تەكنلۆژیایێ كارتێكرنا ل خەلكی كری كو زارۆكێن خۆ باشتر پەروەردە بكن،ژبۆ هندێ داكو تاكی پاشەرۆژەكا گەشتر هەبت و بكارت ژیانا خۆ ب رێڤە ب بەت و رەوشەنبیریێ دناڤا جڤاكی دا بەلاڤ بكت،چونكو ئەومللەتێ پێشكەڤتن و رەوشەنبیری تێدا نەبت مللەتەكێ سەركەفتی نابت.
تُتاح هذه الصورة أيضا في: کوردی