گولا ئەڤینێ دێ ئێتە بەلاڤكرن
تۆرا لالش یا راگەهاندنێ 
هۆنەرمەندێ شنگالێ(حسێن شاقولی) نهۆ ل وەلاتێ ئەلمانیا دژیت و دكورتە دیدارەكێ دا بۆ رۆژناما دەنگێ لالش دیاركر، ل سالا(2007)ێ من دەست ب كارێ هۆنەری كریە و سترانان دبێژم و ئەڤ دوو سالە كار لسەر چێكرنا بەرهەمەكی هۆنەری دكەم كو ژ كلیپەكێ بناڤێ (گولا ئەڤینێ) پێكهاتی یە و ل نێزیكترین دەم دێ ئێتە بەلاڤكرن.
شاقولی خویاكر،ل سالا(2007)ێ من دەست ب كارێ هۆنەری كر و ل قوتابخانێ ستران دگۆتن و ساز ژ سترانبێژان را لێددا وەك سترانبێژان(شەمۆ كامۆ) و (جەلۆ شنگالی)،ل سالا(2008)ێ ب هاریكاریا شەمۆ كامۆ چۆم وەلات شێخ و داوەت گەراندن،هەروەسا ل سالا(2009)ێ ب هاریكاریا كەس و كاران ل شنگال ژی ل داوەتا هاتمە ناڤكرن ب حسێن شاقولی و ل سالا(2010)ێ من سترانا (هوون ژبیرا نەكن زوو) چێكر كو ژپەیڤ و ئاوازێن هەلبەستڤان خدر شاقولی بوو ئەو ستران لسەر فەرمانین كەڤن را بوو،دیسان ل سالا(2011)ێ سترانا (نەورۆز) چێكر كو ژپەیڤ و ئاوازێن من بوون،گۆتژی ل سالا (2014)ێ ژبەر فەرمان و كارەساتان پەنابەری وەلاتێ توركیا بووم و پشتی هنگێ ب سالەكێ كۆچبەری وەلاتێ ئەلمانیا بووم و نهۆ ل وی وەلاتی دژیم،سەبارەت كارێن داهاتی ژی ئەڤ دوو سالە كار لسەر چێكرنا بەرهەمەكی هۆنەری دكەم ئەو ژی كلیپەكا بناڤێ (گولا ئەڤینێ) یە و ل نێزیكترین دەم دێ ئێتە بەلاڤكرن.
ناڤهاتی دا زانین ژی ل سالا(2016)ێ ل وەلاتێ ئەلمانیا من سترانا(رومەتا منە) لسەر ئێخسیرێن مللەتێ خۆ را چێكر ب تایبەت كچ وژنان یێن كو زۆری و زۆرداری لبن دەستێ درەندەترین رێكخراوا تیرۆری دا دیتین ،ل سالا(2017)ێ ژی سترانەك بناڤێ(پەنابەر) چێكریە.
تُتاح هذه الصورة أيضا في: کوردی