كوردۆ شنگالی دەست ژ كارێ هۆنەری بەردا
تۆرا لالش:
هۆنەرمەندێ گەنج كوردۆ مستۆ یێ بەرنیاس ب كوردۆ شنگالی،زێدەتر ژ هەفت ئامیرێن موزیكێ دژەنت و چەندین گەنج ل بەر دەستێ وی فێری ژەنینا موزیكێ بووینە،دكورتە دیدارەكێ دا بۆ دەنگێ لالش راگەهاند،ژبەرنەبوونا پشتەڤانی و هاریكاریێ نهۆ وی دەست ژ كارێ خۆ یێ هۆنەری بەردایە.
كوردۆ مستۆ گۆت:د تەمەنێ بیست سالیێ دا ل بەر دەستێ برایێ خۆ خەلەف مستۆ فێری ژەنینا ئامیرێن موزیكێ بوویمە،ل دەستپێكێ فێری ژەنینا تەمبورێ بووم پاشی ئەڤ كار وەكو بەهرەیەك بۆ وی لێهات و بەردەوامی دایێ و زێدەتر ژ هەفت ئامایرێن موزیكێ دەژنم،پشتی رێكخراوا داعش یا تیرۆری هێرشی شنگال كری ئاوارەی پارێزگەها دهۆكێ بووین و ل كەمپا بێرسڤێ ل زاخۆ ئاكنجی بوون،ل وێدەرێ جیەك بۆ خۆ دروستكر و تێدا چەندین خۆلێن فێركرنا موزیكێ بۆ خەلكێ ئاوارە ڤەكرن وەكو كارەكێ خۆبەخشی،پاشی ژ دەردێ هەژاری و بەلەنگازیێ ل سالا 2018 جارەكا دی قەستا شنگال كرە ڤە و نهۆ ل كەمپا سەردەشتی دژین هەر ل وێدەرێ ژی جیەكێ ژەنینا موزیكێ و كەلوپەلێن فلكلۆری ڤەكر و گەلەك گەنج ل بەر دەستێ وی فێری ژەنینا موزیكێ بووینە.
لدۆر ئەگەرێن هێلانا هۆنەری ناڤبری ئاشكەراكر،ژبەر نەبوونا پشتەڤانی و هاریكاریێ بۆ هۆنەرمەندان ب گشتی و ئەگەرێن مادی ناچاربوو دەست ژ كارێ خۆ یێ هۆنەری بەردەت.
تُتاح هذه الصورة أيضا في: کوردی