ناڤه‌رۆكا كۆمبوونا نێچیرڤان بارزانی و سەلاحەدین بەهائەدین
رووداو – هەولێر
نێچیرڤان بارزانی سەردانی یەكگرتووی ئیسلامی كوردستانی كرد و ئەمینداری ئەو حیزبەش دەڵێت “كوردستان پێویستی بە قسەی خێر و قوربانیدانە”.
رۆژی یەكشەممە 26-6-2016 نێچیرڤان بارزانی، سەرۆكوەزیرانی هەرێمی كوردستان سەردانی بارەگای ئەنجوومەنی جێبەجێكردنی یەكگرتووی ئیسلامی كوردستانی لە هەولێر كرد.
بەپێی راگەیێندراوێكی هاوبەشی هەردوو، نێچیرڤان بارزانی پیرۆزبایی سەركەوتنی كۆنگرە و هەڵبژاردنی سەڵاحەدین بەهائەدین-ی بە ئەمینداری گشتی یەكگرتوو كرد و هیوای خواست ئەو گۆڕانكارییانە سەرەتایەكی باشبن بۆ دووبارە بەرجەستەكردنی ئاشتەوایی و یەكتر قبوڵكردن.
هاوكات سەڵاحەدین بەهائەدین، ئەمینداری گشتی یەكگرتوو رایگەیاندوووە “ئێستا و ئاییندەی كوردستان پێویستی بە قسەی خێر و قوربانیدانە”.
لە كۆبوونەوەكەدا هەردوولا تاووتوێی بارودۆخی ئێستای هەرێمی كوردستان و ناوچەكەیان كرد و “بەپێویستیان زانی دۆخەكە ئاسایی بكرێتەوە”.
بە پێی راگەیێندراوەكە، سەرۆكی حكومەتی هەرێمی كوردستان رۆڵ و پێگەی یەكگرتوو و كەسی یەكەمی ئەو حیزبەی بەرزنرخاند لە هەوڵە ئاشتەواییەكانی و ئاماژەیان بەوەداوە كە بە ئومێدەوە دەڕواننە هەوڵەكان بۆ لێكنزیككردنەوەی لایەنە سیاسییەكان لەسەر مێزی گفتوگۆ.
تُتاح هذه الصورة أيضا في: کوردی