سەرکردێن داعشێ ژ مووسلێ درەڤەن
ئەڤرۆ نیوز:
فەرماندەکێ ھێزا پێشمەرگەی دبێژیت، ھەر ژ نوکە سەرکردێن تیرۆرستێن داعشێ باژێرێ مووسلێ چۆل دکەن و درەڤنە دەڤەرێن سنۆری یێن ل گەل وەلاتێ سوریا.
لیوا ھاشم سیتەیی، فەرماندێ پێشمەرگەی ل دەوروبەرێن باژێرێ مووسل راگەھاند، پێزانینێن دروست ب دەست مە گەھشتینە، پشتی نێزیکبوونا بزاڤێن حوکمەتا عیراقێ بۆ دەستپێکرنا ھێرشێن رزگارکرنا مووسلێ، بەرپرسێن گرۆپێن تیرۆرستانداعشێ مالێن خوە ژ باژێرێ مووسل و قەزا تەلعەفەر بەر ب دەڤەرێن سنۆریی یێن وەلاتێ سووریا ڕەوانە دکەن، ئانکو ھەتا نوکە چەندین سەرکردێن داعشێ ب ڤی رەنگی مالێن برینە سنووری.
لیوا ھاشم سیتەیی راگەھاند، ھندی دەمێ رزگارکرنا مووسلێ نێزیک دبیت، زێدەتر ترس و دلگرانی دکەڤیتە ناڤا داعشێ دا، ھەروە وەک ھوون دبینن بەری نوکە چەندین چەکدارێن داعشێ خوە رادەستی پێشمەرگەی دکەن، پێشبینی دھێتە کرن ل رۆژێن بھێت دا، چەکدارێن داعشێ و خەلکێ ل ژێر کونترۆلا وان چەکداران ژی ب شێوەکێ زۆرتر خوە رادەستی پێشمەرگی بکەن.
تُتاح هذه الصورة أيضا في: کوردی