ههلوهستێن جودا ل دۆر راپرسییا جودابوونا بریتانییا ژ ئێكهتییا ئهورۆپا
وار
ههر ژ ئهینییا بۆری و تا نها مژارا جودابوونا بریتانییا ژ ئێكهتییا ئهورۆپا بابهتێ گهرمێ جیهانێ یه، ههروهك رۆژنامهیا فاینشنال تایمز دوپاتكرییه؛ كارتێكرنهكا مهزن ل بازارێن جیهانێ هاتییهكرن، ههر وهسا ههژمارهكا سهركردێن جیهانێ ژی دیتنێن جودا بۆ راپرسییا بریتانییا ههنه، هندهك دیاردكهن، دڤێت بریتانییا جارهكا دی راپرسیێ بكهت، هندهك ژی رژدن گهلێ بریتانییا بڕیارا خوه دایه و لێڤهنابیت.
وهزیرێ ساخلهمییا بریتانییا، جێرمی هانت، راگههاند؛ بریتانییا دێ راپرسییهكا دی ل سهر ئهندامبوونێ كهت، ئهگهر ئێكهتییا ئهورۆپا رێكێ بدهت، دهسهلاتا تهمام ل سهر سنۆرێن خوه بكهت و ههروهسا گۆتژی؛ ئهو كهسێ جهێ كامیرۆنی دگریت، دڤێت دهلیڤهیهكێ بدهته برۆكسل بهری بریتانییا داخوازا جودابوونێ پێشكێش بكهت،
ژ ئالییێ خوهڤه وهزیرێ ئابۆریێ بریتانییا، جۆرج ئۆزبۆرن خوه دوور دبینیت ژ پۆستێ سهرۆكوهزیرێن بریتانییا دبینیت و ژ بهر پشتهڤانییا وی یا بهێز بۆ مانا بریتانییا د گهل ئێكهتییا ئهورۆپا.
وهزیرێ دهرڤهیێ ئهمریكا، جۆن كێری راگههاند؛ دڤێت وهلاتێن ئهورۆپی و بریتانییا ژی خوه ئارام بكهن،
راپرسییا جودابوونا بریتانییا ژ ئێكهتییا ئهورۆپا كارتێكرنهكا راستهوخوه ل بازارێن جیهانی كر كو ئێكهتییا ئهورۆپا تا پشتی شهرێ جیهانیێ دووێ تووش نهبوویه، ههروهسا بریتانییا ژی كهڤتییه د رهوشهك خراب دا.
جۆن كێری گۆتژی؛ دڤێت د ڤێ قۆناغێ دا ههموو ئالییهك ل سهر خوه بیت، ههروهسا وهلاتیێن ئهورۆپا و بریتانییا ژی ب عهقهلهكێ بچووك و تۆلڤهكرن تهماشه نهكهن و دوپاتكر؛ بێ بریتانییا دێ جیهان هێته گوهۆڕێن.
ژ ئالیێ خوهڤه فلیپ هامۆند، وهزیرێ دهرڤهیێ بریتانییا راگههاند؛ دێ گوتوبێژێن ههڤالینی دگهل ئێكهتییا ئهورۆپا هێنهكرن، ههروهسا رهتكر ژی دانوستاندن ب تۆرهیی بن ههر وهك هندهك سهركردێن بریتانی هزر دكهن.
مهزنه یاسادانهرهكێ ئێكهتییا ئهورۆپا ژی راگههاند؛ زمانێ ئنگلیزی دووهم زمانه ل جیهانێ و زمانهكێ فهرمی یه ل ناڤا سازیێن ئێكهتییا ئهورۆپا، پشتی دهركهڤتنا بریتانییا ژی ژ ئێكهتیێ ئنگلیزی نامینیت زمانێ فهرمی یێ ئێكهتیێ.
زمانێ ئنگلیزی ب زمانێ ههره بهرفرههـ ل ئێكهتییا ئهورۆپا دهێت، بتنێ بریتانییا و ئێڕلهندا و مالتا زمانێ خوه ب فهرمی دبینن.
ژ ئالیێ خوهڤه دانۆتا هۆبنر، سهرۆكێ لژنهیا كاروبارێن دهستووری یا پهڕلهمانێ ئهورۆپا راگههاند؛ شاهنشینا ئیكگرتی ئهو زمان ههلبژارتییه و ئهگهر بریتانییا نه د ناڤا ئێكهتیێ دابیت، زمانێ وێ ژی نامینیت.
تُتاح هذه الصورة أيضا في: کوردی