وەزارەتا ساخلەمیا عێراقێ:هژمارا کوشتیێن کەرادە گەهشتە ٢٨١ کەسان
ئێن ئارتى
ئەڤرۆ ٧ێ تەمووزا ٢٠١٦ێ، وەزارەتا ساخلەمیا عیراقێ د بەیاننامەیەکێ دا راگەهاند، هژمارا کوشتیێن تەقینا دەڤەرا کەرادە یا ناڤەراستا باژێرێ بەغدا گەهشتە ٢٨١ کەسان.
تەقینا کەرادە یا ناڤەراستا باژێرێ بەغدا کو ل رۆژا سێ تەمووزێ رویدا، خوکوژەکێ ب ترومبێلەکا بۆمبەکری خو تەقاند و د ئەنجامدا هژمارا کوشتیان بلندبوویە بۆ ٢٨١ کەسان و برینداربوونا زێدەتر ژ ٢٢٥ کەسان.
پشتی وێ تەقینێ ژی رێکخراوا داعش بەرپرسیاریا خو ژ وێ تەقینا دەڤەرا کەرادە یا ناڤەراستا باژێرێ بەغدا راگەهاند.
چەند رۆژان پشتی وێ تەقینێ ژی، محەمەد سالح غەبان وەزیرێ نافخویێ عیراقێ د کۆنگرەیەکا رۆژنامەڤانی دا دەستژکارڤەکشانا خو ژ پۆستێ خو راگەهاند و رۆژا پاشتر ژی حەیدەر عەبادی سەرۆک وەزیرێ عیراقێ دەستژکارڤەکشانا وی قەبول کر.
تەقینا دەڤەرا کەرادە یا باژێرێ بەغدا دلگرانی و نەرازیبوونەکا زۆر یا نافخویی و دەرەکی لدویف خو ئینا و دەزگەهێن ئەمنی یێن عیراقێ تۆمەتبارکرن ب وێ ئێکێ کو وەکی پێدڤی نەشێن ئەمنیەتا وەلاتیان بپارێزن.
تُتاح هذه الصورة أيضا في: کوردی