سهرۆكاتییا ههرێمێ :دبهرهنگاربوونا تیرۆرێ دا پشتهڤانین حكومهتا عێراقێ نه
وار
سهرۆكاتییا ههرێما كوردستانێ هێرشا یا سهر حوسهینییهكا باژاڕێ بهلهد شهرمهزار كر و د بهرهنگاربوونا تیرۆرێ ژی دا، پشتهڤانی بۆ حكومهتا ئیراقێ راگههاند.
سهرۆكاتییا ههرێما كوردستانێ د بهیانهكێ دا، شڤێدی هێرشا دوهی یا سهر مهزارێ سهید محهمهد كورێ ئیمام هادی ل باژاڕێ بهلهد یێ باكۆرێ پارێزگهها سهلاحهددین، شهرمهزار كر كو پتری 80 كهسان تێدا هاتینه كوشتن و بریندار كرن.
د وێ بهیانێ دا، سهرۆكاتییا ههرێمێ ههڤخهمی و سهرهخوهشی ل كهسوكارێن قوربانییان كرینه و راگههاندییه؛ هێرشا سهر مهزار و پهقاندنا وان، نیشانا بێ رهوشتییا تیرۆرستێن دوژمنێن خودای و مرۆڤاتیێ نه.
د بهرهنگاربوونا تیرۆرێ دا ژی، پشتهڤانی بۆ حكومهتا ئیراقێ دوپاتكرییه و راگههاندییه؛ ئهو دێ ب ههموو شیانهكێ ههماههنگ بیت و د ڤێ واری دا ئهو د گهل حكومهتا ئیراقێ د ئێك سهنگهر دایه.
دوهی سپێدێ مهزارێ سهید محهمهد كورێ ئیمام هادی ل باژاڕێ بهلهد تووشی هێرشهكا تیرۆرستی بوو، 30 كهس هاتنه كوشتن و 50 كهسێن دی برینداربوون.
تُتاح هذه الصورة أيضا في: کوردی