سەرۆکاتیا ھەرێمێ:
شەرێ مووسلێ دێ ئێکلایکەر بیت
وار
پەیڤدارێ سەرۆکاتیا ھەرێما کوردستانێ راگەھاند؛ شەڕێ مووسلێ دێ ئێکلاکەر بیت بۆ ھندێ ھەموو ھێز پێکڤە د وێ ئۆپەراسیۆنێ دا یا ل دژی داعشێ پشکداربن.
د. ئومێد سەباح د پرێسکۆنفرانسەکێ رۆژنامەڤانی دا راگەھاند، ئیمزا کرنا یاداشتا لێکتێگەھشتنێ د ناڤبەرا ھەرێمێ و پنتاگۆنێ دا بەرھەمێ کارێ ھەڤپشکێ دو سالێن بۆریە یێن ھێزێن پێشمەرگەی و ئەمریکا.
پەیڤدارێ سەرۆکاتیا ھەرێما کوردستانێ گۆتژی؛ ل مەھا دوازدە یا سالا بۆری کۆمبوونەکا زۆر باش د ناڤبەرا مەسعوود بارزانی سەرۆکێ ھەرێما کوردستانێ و وەزیرێ بەرگرییا ئەمریکا دا ھاتە ئەنجام دان، تێدا تەئکیدا کر چەوان یاداشتنامەیەکا لێکتێگەھشتنێ بھێتە ئامادەکرن بۆ دابینکرنا دیتنەکا ھەڤپشک بۆ کارێن پاشەرۆژێ.
ھەروەسا ئاماژەکر، یاداشتا ئەڤرۆ ھاتیە ئیمزا کرن بۆ ھندێ یە ب چ شێوە ھەموو ھێزێن دژی تیرۆرێ شەری دکەن بھێنە کۆمکرن و ھەموو پێکڤە ل شەڕێ مووسلێ دا ل داعشێ بدەن، چونکە ئەو شەرەکێ ئێکلاکەرە.
تُتاح هذه الصورة أيضا في: کوردی