بارزانی: گرنگترین کارێ ھەرێما کوردستانێ شەڕێ داعشێ یه
وار
سەرۆکێ ھەرێما کوردستانێ د گەل ھهژمارەکا بەرپرسێن سهربازی یێن ئەمریکی کۆم بوو و راگەھاند؛ گرنگترین کارێ ھەرێما کوردستانێ شەڕێ داعشێ و شکاندنا وێ یه، بۆ وێ ئارمانجێ ژی، ئهو بەرھەڤن ھەماھەنگیێ دگەل ھێزێن ئیراقی و ھەڤپەیمانان دا بکەن.
مەسعوود بارزانی سەرۆکێ ھەرێما کوردستانێ د گەل جۆزێڤ ڤۆتێل، فەرماندارێ ناڤهندا سهركرداتییا سوپایێ ئهمریكا و ھهژمارەکا بەرپرسێن دی یێن ئهمریكی کۆمبوو و پرۆتوکولا سهربازییا د ناڤبەرا ھەولیر و واشنتۆن دا گۆتوبێژ کرن.
جهنهرال جۆزێڤ ڤۆتێل، سوپاسییا بارزانی بۆ ئیمزاکرنا وێ پرۆتۆكۆلی كر كو پشتەڤانییا زێدەتر یا ئهمریكا بۆ ھێزێن پێشمەرگەی تێدا هاتییه دوپات كرن.
بارزانی ژی سوپاسییا ئەمریکا بۆ ئیمزاکرنا وێ پرۆتوکولێ كر، دوپات ژی کر، کو گرنگترین کارێ ھەرێما کوردستانێ شەڕێ داعشێ و شکاندنا وێ یه و بەرھەڤییا ھەرێمێ بۆ ھەر ھەماھەنگییەکێ د گەل ھێزێن ئیراقی و ھەڤپەیمانان راگههاند.
تُتاح هذه الصورة أيضا في: کوردی