فوئاد حسێن: کۆمبوونێن د گەل ئالیان دا ب باشی برێڤە دچن
وار
نوونەرێ سەرۆکێ ھەرێما کوردستانێ راگەھاند؛ دانوستاندنێن دگەل ئالیان ب باشی ب رێڤە دچن و نیەتێن باش ھەنە.
ئەڤرۆ د. فوئاد حسێن نوونەرێ مەسعوود بارزانی سەرۆکێ ھەرێما کوردستانێ دگەل کوسرەت رەسۆل عەلی جێگرێ ئێکێ یێ سکرتێرێ گشتیێ ئێکەتیا نیشتمانی کۆمبوو، پاش وێ ژی د داخۆیانیەکێ دا بۆ مەدیایا ئێکەتیێ گۆتیە: دانوستاندن دگەل ئالیێن سیاسی ل ھەرێمێ ب باشی ب رێڤە دچن و چاڤەرێ دھێتە کرن ئەنجامێن باش ژێ دەرکەڤن.
د کۆمبوونا دگەل کوسرەت رەسول عەلی دا د. فوئاد حسێن پەیاما بارزانی گەھاند و چاڤەرێیە د کۆمبوونا مەکتەبا سیاسی یا ئێکەتیێ دا دانوستاندن ل سەر بھێتە کرن.
لدووڤ زانیاریان تا نھا نوونەرێ بارزانی دگەل نەوشێروان مستەفا رێکخەرێ گشتیێ تەڤگەرا گۆرانێ و کوسرەت رەسول عەلی جێگرێ سکرتێرێ گشتیێ ئێکەتیێ و مەلا بەختیار بەرپرسێ دەستەیا کارگێری یا مەکتەبا سیاسی یا ئێکەتیێ لدۆر رەوشا ھەرێمێ و دیتنا رێگەچارەیەکێ بۆ چارەسەرکرنا قەیرانان ل ھەرێمێ کۆمبوویە.
تُتاح هذه الصورة أيضا في: کوردی