سەرۆکێ مسرێ ژ هەولەکا تیرۆرکرنێ هاتە رزگارکرن
ئێن ئارتى 
سەرۆکایەتیا کۆمارا مسرێ راگەهاند، دەزگەهێن ئەمنی شیان شکەستنێ ب هەولەکا تیرۆرکرنا عەبدولفەتاح سیسی سەرۆکێ مسرێ بینن.
مالپەرێ ئەلیەوملسابع ئەڤرۆ ٢٥ێ تەمووزا ٢٠١٦ێ، ژ زارێ ژێدەرەکی ل سەرۆکایەتیا کۆمار ل مسرێ ئاشکرا کر، عەبدولفەتاح سیسی ژبەر کو راستی هەولەکا تیرۆرکرنێ بویە سەرەدانا وی بۆ وەلاتێ مۆریتانیا هاتە هەلوەشاندن.
هەمان مالپەری راگەهاند ژی، چەند زانیاریەک دەست دەزگەهێن ئەمنی کەتبوون کو گرووپەکا ئیسلامی پلانا کوشتنێ بۆ سەرۆکێ مسرێ دارشتی یە و ل پشتی ڤەکولینان ژی زانیاری پشتراستکرن، و هێزێن وان شیان شکەستنێ ب وێ پلانێ بینن.
ئەڤ ئێک د دەمەکێ دایە کو بریاربوو ئەڤرۆ ٢٥ێ تەمووزێ عەبدولفەتاح سیسی سەرۆک کۆمارێ مسرێ سەرەدانا وەلاتێ مۆریتانیا بکەت بۆ بەشداریکرنێ د لوتکەیا وەلاتێن کۆمکارا عەرەبی دا لێ سەرەدانا وی بۆ مۆریتانیا هاتە هەلوەشاندن.
پشتی وێ رویدانێ ژی تیما مسرێ یا سەر ب سەرۆکایەتیا سەرۆک وەزیر و چەند وەزیرەک بەر ب وەلاتێ مۆریتانیا برێکەتن بۆ بەشداریکرنێ د لوتکەیا وەلاتێن کۆمکارا عەرەبی دا.
تُتاح هذه الصورة أيضا في: کوردی