شێوەرمەندەکێ ئەمریکی: چ وەلاتەکێ هەڤپەیمان ب قاسی کوردا پشکداریا شەڕێ داعشێ نەکریە
ئێن ئارتى
شێوەرمەندەکێ سەربازیێ ئەمریکی کو مەشق و راهێنان ب هێزێن پێشمەرگە کرینە دلگرانیا خوە دیارکر ژ پشتگوهـ هاڤێتنا کوردا د کۆمبوونا هەڤپەیمانیا دژی داعشێ دا ل ئەمریکا.
ئێرنا ئۆدینۆ ل مالپەرێ برێیتبارت نڤیسیە، چ وەلاتەکێ ئەندام د وێ هەڤپەیمانیەتیێ دا ب قاسی کوردا پشکداریا شەڕێ داعشێ نەکریە.
ئەوی شێوەرمەندی ئەو چەند ژی راگەهاندیە، هەر هێرشەکا هەڤپەیمانان کو د پاشەرۆژێ دا بۆ کۆنترۆلکرنا باژێرێ موسل بهێتە ئەنجامدان دێ پشت ب هێزێن پێشمەرگە گرێدەتن.
ئێرنای ئۆدینۆ ئەو چەند ژی نڤیسیە، ئێکەم یاسایا دروستکرنا هەڤپەیمانیەتیێ د دەمێ جەنگی دا ئەوە کو وان هەڤپەیمانان ژ دەستێت خوە نەدەی کو تە بدەستڤە ئیناینە، بەلێ وەسا دهێتە دیتن کو وەزیرێن دەرڤە و بەرەڤانیا ئەمریکا وێ راستیێ نەزانن دەربارێ هەڤپەیمانیەتیێ یان ژی وان ب خوە ئەو یاسا پشتگوهـ ئاڤێتیە.
ئەڤ گۆتنێن شێوەرمەندێ سەربازیێ ئەمریکا د دەمەکیدانە، بەرپرسێن هەرێمێ دلگرانیا خوە دیارکرینە ژ پشکداری پێنەکرنا کوردا د کۆمبوونا جیهانیا هەڤپەیمانیا ناڤدەولەتی دا ل واشنتۆن کو ب پشکداریا وەزیرێن دەرڤە و بەرەڤانیێن وەلاتێن هەڤپەیمانێن دژی داعشێ برێڤەچوو.
تُتاح هذه الصورة أيضا في: کوردی