پارێزبەندی ل سەر سەرۆکێ پەرلەمانا عێراقێ و دوو پەرلەمانتارێن دی هاتە راکرن
ئێن ئارتى
د رونشتنا ئەڤرۆ یا پەرلەمانا عێراقێ دا پارێزبەندی ل سەر سەرۆکێ پەرلەمانا عێراقێ و دوو پەرلەمانتارێن دی هاتە راکرن.
ئەڤرۆ سێشەمبی ٩ێ ئابا ٢٠١٦ێ رونشتنا پەرلەمانا عێراقێ ب سەرۆکایەتیا ئارام شێخ محەمەد دەستپێکر و وەزیرێ بەرەڤانیێ هاتە گازی کرن.
د دەستپێکا وێ رونشتنێ دا ئارام شێخ محەمەد، جێگرێ سەرۆکێ پەرلەمانا عێراقێ راگەهاند “ئەم ڕژدین ل سەر ئاشکرا کرنا گەندەلیێ و گەهاندنا گەندەلیێ ب رایا گشتی”.
نووچەگەهانێ ئێن ئاڕ تی راگەهاند، سەلیم جبوری، سەرۆکێ پەرلەمانا عێراقێ داخازیەک پێشکێشی پەرلەمانا عێراقێ کریە کو پارێزبەندی ل سەر بهێتە راکرن داکو بچیتە پێشیا دادگەهێ، ژبۆ کو بێ تاوانیا خوە بسەلمینیت.
هەروەسا گۆت ژی “پشترە پەرلەمانتاران ل سەر داخازا وان پارێزبەندی ل سەر سەلیم جبوری سەرۆکێ پەرلەمانێ و محەمەد کەربولی و تالب معمار راکریە”.
نووچەگەهانێ ئێن ئاڕ تی ئەو چەند ژی گۆت “سەلیم جبوری هۆلا پەرلەمانا عێراقێ هێلایە و بەرەف دادگەهێ برکەتیە”.
ئەڤە د دەمەکیدایە د رونشتنا بەرێ یا پەرلەمانا عێراقێ دا خالید عوبێدی، وەزیرێ بەرەڤانیا عێراقێ بۆ لێپێچینێ گازی پەرلەمانێ هاتبوو کرن، بەلێ عوبێدی سەرۆکێ پەرلەمانێ و هەشت پەرلەمانتار توهمەتبار کرن ب گەندەلیێ و هەر د وێ رونشتنێ دا سەرۆکێ پەرلەمانێ هۆلا پەرلەمانێ هێلا و راگەهاند، هەیا بێ گونەهیا خوە نەسەلمینیت ناڤەگەرتە پەرلەمانێ.
تُتاح هذه الصورة أيضا في: کوردی