بادووش: پێشمەرگەی ھێرشەکا داعشێ شکاند
waar – دهوك :
ھێزێن پێشمەرگێن کوردستانێ ئەڤرۆ ھێرشەکا تیرۆرستێن داعشێ ل دەڤەرا بادووش تێکشکاند و زیانێن ب داعشێ کەفتین نەھاتینە زانین.
ژێدەرەکێ ژ ھێزا تایبەتا ئێک یا پێشمەرگەی بۆ وار راگەھاند؛ تیرۆرستێن داعشێ ل سەرێ سپێدەھیا ئەڤرۆ ل دەمژمێر پێنج و نیڤ، ھێرش ب ھەمی جۆرێن چەکی کرە سەر سەنگەرێن پێشمەرگەی ل دەڤەرا بادووش ل رۆژئاڤایێ مووسلێ، پێشمەرگەی ژی ھێرشا وان تێکشکاند و پاشڤە برن.
ژێدەری ئاشکرا ژی کر؛ ژ بەر دووریا تیرۆرستێن داعشێ ژ سەنگەرێن پێشمەرگەی، زیانێن ب داعشێ کەفتین نەھاتینە زانین، فرۆکەیێن ھەڤپەیمانان ژی ل ئەسمانێ دەڤەرێ دفڕین لێ چو ھێرش نەکرن.
ژێدەرێ ژ ھێزا تایبەتا ئێک ئاشکرا ژی کر؛ تیرۆرستان ب تنێ نیڤ دەمژمێرێ شه‌ر کر، ھێزێن پێشمەرگەی ژی چو زیان نەبوون.
تُتاح هذه الصورة أيضا في: کوردی