سهرۆكایهتییا ههرێمێ: ههموو سازیێن پهیوهندیدار بۆ هاریكارییا رۆژئاڤا د ئامادهنه
waar – دهوك :
سهرۆكایهتییا ههرێما كوردستانێ، پهقینا خوهكوژی یا باژارێ حهسهكێ ل رۆژئاڤایێ كوردستانێ شهرمزاركر و ئامادهییا ههموو سازیێن پهیوهندیدار یێن ههرێمێ بۆ ههر هاریكارییهكێ نیشاندا.
د راگههاندنهكێ دا، سهرۆكایهتییا ههرێما كوردستانێ، ب دژواری ئهو كریارا تیرۆرستی یا هۆڤانه یا كو خهلكێ باژارێ حهسهكێ كرییه ئارمانج شهرمزاركرییه و سهرهخوشی ل كهس وكارێن شههیدان كرییه و هیڤیا چارهسهرییا بلهز بۆ برینداران خواستییه و دایه زانین كو ههموو سازیێن پهیوهندیدارێن ههرێمێ د ئامادهباشیهكا تهمام دانه، بۆ هاریكارییا برینداران و گههاندنا هاریكاریێن نوشداری بۆ لێقهوماوێن وێ بوویهرا دلتهزین.
سهرۆكایهتییا ههرێمێ د راگههاندنا خوه دا، ههڤسۆزی و پشتهڤانییا خوه بۆ كوردێن رۆژئاڤایێ كوردستانێ راگههاندییه و دیاركرییه، خهم و ئازارێن خوشك و برایێن رۆژئاڤایێ كوردستانێ، خهم و ئازارێن ههرێما كوردستانێ و ههموو گهلێ كوردن.
تُتاح هذه الصورة أيضا في: کوردی