بەلاڤکرنا مووچەیێن فەرمانبەرێن ھەرێمێ بەردەوامە
waar – دهوك :
وەزارەتا دارایی و ئابۆری یا حکومەتا ھەرێما کوردستانێ خشتەیەکێ نوو یێ مووچەیێن مەھا تەباخێ یێن فەرمانبەرێن ھەرێمێ بەلاڤ کر، ل گۆری خشتەیی ل ئەڤرۆ و سبە دێ ھەژمارەکا وەزارەت و دەستەیان مووچەیێ خوە وەرگرن.
ل گۆری خشتەیێ وەزارەتا دارایی، ئەڤرۆ رۆژا ئێکشەمبی، خانەنشینێن سڤیل، وەزارەتێن ڤەگۆھاستن و گەھاندن، رەوشەنبیری و لاوان و وەزارەتا کارەبێ دێ مووچەیی وەرگرن.
سبە رۆژا دوشەمبێ ژی دێ مووچەیێ کێمئەندامان دگەل وەزارەتێن کار و کاروبارێن جڤاکی و ئەوقاف و کاروبارێن ئۆلی و خواندنا بلند و لێکۆلینێن زانستی، ھەروەسا چاندن و ژێدەرێن ئاڤێ و گەشتوگۆزارێ ھێنە بەلاڤکرن.
ھەر سبە رۆژا دوشەمبێ وەزارەتێن داد، جڤاتا دادوەری و سەرۆکاتییا ھەرێمێ و سەرۆکاتییا جڤاتا وەزیران، دێ مووچەیێ خوەیێ مەھا تەباخێ وەرگرن و بڤێ یەکێ ژی، دێ داوی ب بەلاڤکرنا مووچەیێن مەھا تەباخێ ھێت.
تُتاح هذه الصورة أيضا في: کوردی