بارزانی: ههرێم ئامادهیه د ههموو بواران دا پهیوهندیێن خوه دگهل توركیا پێشڤهببهت
waar – دهوك :
سهرۆكێ ههرێما كوردستانێ، سهرهدانا سهرۆكوهزیرێن توركیا، ب پشتهڤانیا مهزنا دهولهتا توركیا بۆ ههرێمێ ناڤكر و راگههاند؛ ههرێم ئامادهیه د ههموو بواران دا پهیوهندیێن خوه دگهل توركیا پێشڤهببهت.
پشتی كۆمبوونا دگهل شاندا بلندا توركیا ب سهرۆكایهتییا سهرۆكوهزیرێن وی وهلاتی، مهسعوود بارزانی سهرۆكێ ههرێما كوردستانێ د پرێس كۆنفرانسێ ههڤپشكێ دگهل بینالی یلدرم دا گۆت: ئهو خوشحالن ب سهرهدانا سهركهڤتی یا یلدرمی بۆ بهغدا و ل ههولێری ژی، زنجیرهیهكا كۆمبوونێن سهركهڤتی هاتنه كرن و ئهڤه ژی نیشانا پشتهڤانییا مهزنا دهولهتا توركیا بۆ ههرێما كوردستانێ.
بارزانی دا زانین ژی كو بهرههنگاربوونا تیرۆرێ پێدڤی ب شیانێن ههموو ئالییانه و نها تیرۆرست ل بهرهیێن هێزێن پێشمهرگهی، تووشی شكهستنهكا مهزن بووینه و هیڤی ژی خواست كو ل توركیا و ههموو بهرهیێن دی، تیرۆر بهێته ژناڤبرن.
تُتاح هذه الصورة أيضا في: کوردی