مه‌سروور بارزانی: سەرخوەبوونا کوردستانێ فاکتەرێ ئێکرێزییا گشت ئالیێن سیاسی یە
waar-دهۆك:
مەسروور بارزانی راگەھاند؛ پرسا سەرخوەبوونا کوردستانێ خواستنا ھەڤپشک و فاکتەرێ ئێکرێزییا گشت ئالیێن سیاسی یە ل ھەرێما کوردستانێ.
مەسروور بارزانی ئەڤرۆ ب یاوەرییا شاندەکا پارتییا دیموکراتا کوردستانێ سەرەدانا مەکتەبا سیاسی یا ئێکگرتوویا ئیسلامی یا کوردستانێ کر و ژ ئالیێ سەلاحەددین بەھائەددین ئەمیندارێ گشتیێ حزبێ ڤە ھاتن پێشوازیکرن.
د ھەڤدیتنەکێ دا ھەردو ئالیان رەوشا ناڤخوە یا ھەرێمێ و دەڤەرێ و پێشھاتێن پشتی شەرێ دژی داعشێ گۆتووبێژکرن، ھەورەسا دوپاتی ل گرنگییا ئێک ھەلویستییا ئالیێن سیاسی یێن ھەرێما کوردستانێ کر بۆ وێ یەکێ ب ئێکرێزی و ھێزەکا پتر رووبەرووی ھەر ئەگەر و پێشھاتەکێ بن.
داوى پەیاما سەرۆکێ ھەرێما کوردستانێ بۆ چارەسەرکرنا پرسێن سیاسی تەوەرکێ دیێ دانوستاندنێن یەکگرتوو و پارتی بوون، دوپاتی ژی ل ژناڤبرنا ئاستەنگان و گەھشت ب چارەسەرییان کر.
پارتی و یەکگرتوو ھەڤرابوون ل سەر وێ یەکێ کو ئالیێن سیاسی یێن ھەرێمێ ب ئێک ھەلویست و ب شاندەکێ ھەڤپشک پشکداریێ د دانوستاندنێن د ناڤبەرا ھەرێمێ و بەغدایێ دا بکەن، تاکو ب شێوازەکێ ئاشتییانە چارەنڤیسێ پەیوەندیێن پاشەرۆژێ یێن ھەردو ئالیان بھێن ئێکلاکرن.
تُتاح هذه الصورة أيضا في: کوردی