دهزگههێ مینان: 35% یا ئاخا ههرێمێ ژ مین و تەقەمەنیان نههاتییه پاقژ كرن
waar – دهۆک:
سهرۆكێ دهزگههێ گشتی یێ كاروبارێن مینان راگههاند؛ هێشتا 35% یا ئاخا ههرێما كوردستانێ، ژ مین و تهقهمهنیان نههاتییه پاقژ كرن.
د راگههاندنهكێ دا، محهمهد ئهحمهد، سهرۆكێ دهزگههێ گشتی یێ كاروبارێن مینان دیاركر، زێدهباری كارێ وان یێ بهردهوام، لێ هێشتا 35% یا ئاخا ههرێما كوردستانێ، ژ مین و تهقهمهنیان نههاتییه پاقژ كرن و گهر حكومهتێن ههرێم و بهغدا و رێكخستنێن نێڤدهولهتی هاریكاربن، ئهو دێ ههموو ئاخا ههرێمێ پاقژكهن.
ئهڤ گۆتنێن سهرۆكێ دهزگههێ مینان د چارچووڤێ كۆمبوونا دگهل بورپرسێ ئاژانسا مینێن ئیراقێ دا هاتن كو ههردو ئالییان دوپاتی ل درێژكرنا دهمێ رێككهڤتنا ئۆتاوا كرن.
وهلاتێ ئیراقێ ل سالا 2008، چوویه دناڤا رێككهڤتنا ئۆتاوا یا نههێلان و بكارنهئینانا مینێن دژه كهسی دا و ل گۆری رێككهڤتنێ، پێدڤییه تا سالا 2008، ئیراق داویێ ب مینێن دژه كهسی ل سهر ئاخا خوه و ههرێما كوردستانێ بینیت.
تُتاح هذه الصورة أيضا في: کوردی